Zirna Fiamthu-2

1. Zirtirtu: 1 leh 2 belh engzat nge?

Zirlai: Ka hre lo.

Zirtirtu: A mik a mak pawh i hre lo a ni maw? A nih leh 2 leh 2 belh engzat nge?

Zirlai: A mik a mak.

2. Zirtirtu chuan ‘S’ hi a kâwk a, “Hei hi eng nge?” a ti a. Naupang chuan, “Salvation kawrnghâwng,” a lo ti vat.

3. Zirtirtu: ‘Chawnban’ hi han hrilhfiah teh.

Zirlai: Chawnban chu a chanve chawn, a chanve ban a ni a, kezungpui tlém a tel bawk.

4. Zirtirtu: Krismas dâwnah tunge lungngai ber?

Mawia: Ketaminu.

Zirtirtu: Eng vangin?

Mawia: A fate pheikhawk leisak tur a tam em alawm.

5. Fela leh Rinzuala an inkawm a.

Fela: Thianpa, eng thleng nge i zir?

Rinzuala: A hming chuan BA thleng chu ka zir ve a..

Fela: Uai! Hawrawp hnih chauh, chu pawh a letling lehnghâlin maw?!

6. Zirtirtu: Zakaria, fanghmir chanchin atang hian zir tur tam tak i nei a, an taima a, hna an thawk nasa em em thîn. Engtin nge an awm zel i hria em?

Zakaria: Aw hria e. Mi’n an raphlum daih.

7. Zirtirtu: Umbrella tih hi Mizo tawngin eng tihna nge?

Zirlai: (Ring tâwkin) TENGTERE.

8. Zirtirtu: Khawvelah eng nge i châk ber?

Naupang: Tuirial sumo khalh.

9. Kan thianpa hi class-ah a muthlu a, Principal thusawi laiin sawi harh pahin, “Yes’ ti rawh,” kan ti thut a, ring tâwkin, “Yes Sir!” a’n ti lauh mai chu, nilêngin a thingthi!

10. Thinrim tawkin a fapa a zilh a.

“Sikul i kal peih loh rau rau chuan hna i thawk ang, i hria em?”

“Sikul pawh ka kal peih loh chuan hnathawh phei chu ka peih i ring em ni?”