1. Uipa leh zawhte nu hi an inngaizawng a, inneih hial an duh ta a. Mahse, ui chûn leh zua-te’n inneih an phal lo. “Monu hmuihmul nei kan duh lo,” an ti ve tlat.
2. Liana pawh kha a mumangah sakei-in a ûm a, thui fé a ûm hnu chuan kham sáng deuh mai hi a lo awm a, tlânchhiatna tur dang a awm tawh si lo va. Liana beidawng chu, “Ka mumang mai mai,” tiin a zuangthla pawp mai a. Sakei pawh chuan, “Liana mumang mai mai,” tiin a zuangthla ve nghâl thuai mai!
3. Uipa kha an vulh ve a, a hmingah ‘Dog-a’ an ti. A rem khawp mai.
4. Naupang pakhat hi a harh lutuk a, bawm pakhatah hian zawng panga nen an dah tlâng a. Darkar khat hnua an va en leh chuan zawng pangate chu ngui deuh hian kil khatah an lo tawmkhawm a, “Ngati nge in va ngui ve?” an tih chuan zawngho chuan, “He naupang hi a harh lutuk! Zawng a ni ringawt!!” an lo ti sap sap.
5. Pa pakhat ramkal pawh savawm nen an intâwk thut a, a hlau lutuk tih ngaihna hre lo chuan, “Phone tlang i va har ve a..” a ti tawp.
6. Ramah a kal a, sakei-in a seh a, “Ngati nge a seh che a?” an ti a, “Miau’ ka tia, mi ûm ringawt a nih kha..” zuk ti a!
7. An khuaa uisathiam an tih kha an ramkalnaah an hruai ve a, puak a ngai vel.
8. Sanghal hliam an zìm a, a phe zeuh bâk an hmu hman lo. A chàn khànah a lo chhuak mai chu, a tuan a rang bawk a ni ang, a ngal a rawn su a, ani’n a lo teh hman; a tlan leh chiah chu, “Ding rawh! Sum 5 leh zung 4 i ni! A chal pawh i la ni lo!” a ti tuarh tuarh!
9. A tawng zuah zuah a —
“Sakei hi chuan mihring fin hi a lo pha lo khawp mai. Min seh tuma hmaa a din rùn tawh chuan a mitmei hi en kar ila, zuang thut ila, a risk sual ngei ngei. A vawi hnihnaah pawh chuti tho. A vawi thumnaah erawh chuan tihdan dang pawh hmang ila, min seh tho tho!”
10. An khaw lal khan kel a ngah hle ni tur a ni. An khuaa mikhual kaltlang tur chuan, “Ka pi, in veng hi kel a va tam ve!” a ti a. Pitar chuan, “Kan lalpa kel vek a nih khu,” tiin a lo chhang a. Mikhual chuan, “In khaw rizap thingte chu a va tha em em ve,” a ti leh a. Pitar chuan, “Kel vek kel vek!” tiin a lo chhang leh a. Mikhual chuan, “In engzat nge in nih?” a han ti leh hram a. Pitar chuan, “A.. Kel vek kel vek!!” a la ti tang tang!
No comments:
Post a Comment