Sakhaw Fiamthu-9

1. Sande Sikulah khan an zirtirtuin, "Tirhkok Paula khan eng vanga Rom mite hnena lehhkha thawn nge a nih?" tiin a zawt a, ani chuan, "A whatsapp a chhia a niang," a lo ti zawi sap.

2. Online shopping a ngaihtuah lai takin kawmthlangah, "Setana chu a tlawm ta," tiin an rawn au va, tukverhah a va dak chhuak a, "An discount ami?" a zuk ti he haw.

3. Tirhkoh Paula lehkhathawn kal sual pawh a han kal sual mai mai khawp a. Saipum khuaah te an lo hmu vel.

4. KTP Inkhâwmpuinaah a kal ve a, an zin hawn KTP inkhawm hmasa berah report pe turin an sâwm a, a duh thak lo. “A hre duh chu kal ve mai tur alawm,” a ti bur.

5. Kan vêng pa pakhat pawh hian Isua film a en ve a, Rome sipaiin an sawisak fé hnuah, “Sawti sawn an vawhlum ta mai a maw?” a tia, a mittui a lo tla ve kuang kuang.

6. Khâm ko bula ‘I thih hnuah khawiah nge i kal dawn?’ tih inziak hi a hmu a, “Thih hnua kal thei an awm ka hre nek lo ve,” a ti nuah nuah.

7. Pa pakhat pawh Isua film a en ve a, Isua an sawisak lai khân a lo tang lutuk a, “Van Damme-a leh Rambo-a te'n va chhan se aw..” a ti vawng vawng.

8. A pasal inkhâwm bâng khân a pu vú vû mai a, “Pa-a, engati nge khatia min tih?” a tih chuan an pa chuan, “Mitinin mahni kraws pu theuh rawh u,’ an tia lawm,” a ti sam ët.

9. Misual deuh pakhat thi hi pastor-in a vui a. Pastor chuan, “Sual sain a lo piang a, sual sain a kîr leh ta!” zu ti han a!

10. A inkhâwm khât lutuk a, sunde sikulah hming an lam a. Zirtirtu chuan, “Lalrinzuala,” a han ti a, “Awm,” a lo ti lauh a. Zirtirtu chuan mak tih hmêl tâwkin, “Awm a?” zuk ti hú a!

He BLOG-ah hian nitin fiamthu tawi tha tak tak dah thar ziah a ni a, i lo tlawh thin dawn nia.

Read More

Sakhaw Fiamthu-8

1. An kohhran zaipawl kha an chhangchhe ve mai mai asin. Suprano-in an sak rin deuh leh sikhar rim a nam rum rum a, a bass-in an sak rin deuh leh zu thing rim a nam leh rum rum bawk sia!

2. Setana betu pakhat pawh khan mi zingah intithei tawkin, "Hetia ka inthawi zo chiah hi tui kawta inhlawhna tur ka hmu nghal zung zung mai a ni," zu han ti a.

3. Intifing deuhvin, "Setana ai chuan a adviser a sual zawk daih," a lo ti ve ngat ngat.

4. A camp lut peih lo lutuk kha tlaia chhung inkhawm neihnaah a inhmu chhuak vel. "Lalpa, camp luh kher ngai lova a hun taka kei misual mi rawn chhandam hi a a ropui em!" a ti vel.

5. Dawt sawi a hrât ve mai mai asin. A thih dawnah ramhuai lian pui puiin an lo hmuak a, "Awi, a êng ropuizia saw!" zuk ti teh talh a.

6. Khaw pakhata an kohhran pawh kha inkhawm an tlêm mai mai asin. Pahnih chiah an inkhawm a, pakhatin thu a sawi a, pakhatin a lo mutthlûksan.

7. Lerh deuh hin piangthar pakhat pawh kha a’n piangthar over mai mai asin. A phone contact list an ensak a, an kohhran upa leh pastor number bak a awm lo.

8. Tlangval pakhat camp chhuak pawh khan a thianpa hnenah, "Thianpa, kei chu zahna kawnah pawh ka zak tawh lo, min hre vek tawh," a ti tawp. Camp a luh zin ve hmel.

9. Sande Sikul hming lam kha a hmanhmawh khawp a, "Mawii te thianho, Zuali te nufa, Duhi te colony," a'n ti deuh tawp tawp ah.

10. Pa pakhat camp lut pawh kha a luh zanin tawngtairualna an nei a, ani rui phur kha a tawngtai a, "Lalpa, i faa vuah tlak ka ni lo, ka faa vuah tlak pawh ka ni lo, tu fa maha vuah tlak ka ni lo," tiin a tap hluam hluam.

He BLOG-ah hian nitin fiamthu tawi tha tak tak dah luh ziah a ni a, i lo tlawh thin dawn nia.

Read More

Sakhaw Fiamthu-7

1. Driver khan, "Tawngtaina hun hmang thei kan awm em?" a ti lauh lauh a, tlar hnung ber atangin pitar deuh mai hian zawi sapin, "Awm lo a ni ang, tlàn fimkhur deuh mai rawh," a lo ti sap. Ngaihna awm lo!

2. A'n tawngtai tui mai mai asin. "Heng zawng zawngte hi i fapa Isua Krista hmingin, i hnena lawmthu sawi chungin kan sual tam tak ngaihdamna nen ka rawn dil a che, Amen...han tih chang te hianin e Lalpa..." a'n tiah.

3. An thenawmte'n, "I va inkhawm khât ve," an tia, ani chuan, "Ka inkhawm zat hi lir nghing se, nghing zing in ti ngawt ang," a lo ti khauh.

4. Kan thianpa sermon pawh khan a duh aiin a key a la sang a, thu sawi thei mang lo khawpin a khuh tluan zak.

5. Chaw an eikhawmnaah a tawngtai a. A tawngtai zo dawn tihah pawn lam atangin an rawn ko thut a, a eih tum inring hman lo chuan ring lutuk maiin, “Amen!” tiin a au vak ringawt!

6. Pa pakhat pawh khan a thih dawn tepah, "Khawngaih takin ka thenawmpate pahnih kha han ko ula, ka sir tawn tawnah han dintir teh u," a ti chul mai a. A chhan an han zawh nak chuan, "Isua anga misual pahnih karcheha thih ka duh e," zu han ti a.

7. Camping-ah a lut a, speaker khan, "Zawh duh nei in awm em?" a han ti chu hnung lam atangin, "Kan Pathian hmangaihna thûkzia' tih hlaa chang hnihnaa 'thil an lo awm an ral leh thin' a tih hi eng 'thil' nge?" a'n ti kher ah.

8. Pa pakhat pawh hi a tawngtai khât awm asin. “Kei chu Pathian hian enkawl nuam min ti ngawt ang,” a ti a. “Eng vang chuan maw?” an ti a, “A, engmah hi ka dil ve ngai si lo va,” zuk ti a.

9. "Eng kohhran nge in nih?" an tia, "Salvation Army," tiin a chhang a. An thian pakhat kha, "A nih nang ve?" tiin an zawt ve leh a. "Keini aia tlem zawk pawh Army an nih chuan kei chu Presbattalion," zuk ti a!

10. Tlangval pakhat camp chhuak pawh, “I piangthar em?” tiin an zawt a, ani chuan, “Hre lo. An rawn puang mai ang,” a lo ti sam ët.

He BLOG-ah hian nitin fiamthu tawi sawmnga vel dah luh ziah a ni a, i lo tlawh thin dawn  nia.

Read More

Sakhaw Fiamthu-6

1. "In zaikhawm chu in hlim e?"

"Hlim tehreng mai, kan nui kuit thak!"

2. A hmelchhe ve bawk a ni. Biak Inah a va inkhawm a, tlar hnungah a thu a. Thusawituin tlar hnung a thu a va hmu thut a, "Hmmm... Hun hnuhnung a lo thleng ta, ramhuai te pawh a hring a hranin an rawn inlar ngam ta!" zuk ti hluai a.

3. Kum tawpah Sande Sikul vawi hnih chiah kal angin an chhinchhiah a, en tha leh turin a ngen a. An en tha chu vawi nga lai a lo ni ta sia, hawi vah pahin, "A ni daih ang!" a ti ringawt.

4. An speaker khan tawngkam an duhthawh ve thei khawp a. "Nangni rul thlah, hnamchawm lepchiah, hrik ngah, ei chhe ve tak tak setana chhiahhlawhte u," zuk ti pek a.

5. "Lo thi ta la, vanram kai i inring em?"

"Kai chu kai ve mai ang a, mahse, min hau nasa ngawt ang."

6. Naupang — Ka pa, mihring hi Pathian-in engin nge a siam?

Pa — Vaivutin.

Naupang — Chuti ruah ka do va, ka va diak si lo ve.

7. Mi koh nan hming bulah ‘Lal’ tih a uar lutuk a, nilaini zan inkhawm tantu-ah an ruat a. Bible a chhiar a, “Pathian thu thianghlim i lo chhiar ang u. Lal Matthaia ziak..” a ti, chang dang a chhiar leh, “Chanchintha Lal Luka ziak..” a ti leh, an nui vek.

8. Tlangval pakhat pawh hian, “Inlarna ka hmu,” a tia, “Eng nge i hmuh?” tiin an zawt a. Ani chuan, “Ka fapa, van khi a lai takah phel ila, khawi lam nge lian zawk ang’ a ti a. Kei chuan, ‘I phel sual chuan a lehlam a lian zawk ang’ ka lo ti a, a dang chiang teh asin,” te a ti vel.

9. Good Friday tukah khan thu a sawi a. “Lal Isua Krista chu Bethlehem bawnginah an khengbet..” a tia, a ni lo tih kha a hre chhuak thut a, pulpit chûm dawt chungin — “Sooooryy!!!”

10. Mahni chauhva hmeithai e ti lo chuan chhung inkhawm pawh chhungkimin zu nei thei hauh lo va!

Hetah hian nitin fiamthu tha tak tak sawmnga chuang dah thar ziah a ni a, i lo chhiar thin dawn nia.

Read More

Sakhaw Fiamthu-5

1. Pa pakhat tawngtai pawh kha a tawngtai rei lutuk a, a tawp dan a thiam leh tawh si lo va. “Chung zawng zawng chu i fapa Isua Krista hminga ka dil si chuan..” te a ti vel.

2. Tumkau Ni-ah khan kawng zawhin an au rual ve a —

Hruaitu — A hma lama kal te leh a hnung lama rawn zui te chuan..

Mipui — Eloi eloi lama sabakthani..

3. Tlangval pakhat pawh kha zan lai dar 12-ah a th0 â a, darthlalangah a inen vung vung a, “Lalpa’n malsawm che rawh se,” zu ti a!

4. Kohhran tharlam deuh pakhatah chuan member pawh an tam lo hle a. Mi lah chuan an han zuam na laileng khawp a; pawn lam atangin dar vawi hnih an han nawnsak a, dar vawtu zawngin thuhriltu nen lam an chhuak darh sung sung a. An tlanchhuah hlanin khuang an lo thuhruksak thul. Buai tak chung chuan Pathianni zan programme an han puang a, hun neitu list-ah kohhran dintu hming a lang ta lo. A rawn ding chhuak a, “Naktukah ka khuang hi ka lak a ngai tawh ang,” a lo ti ngut! Buai ve thei tak chu an ni.

5. Pa pakhat pawh khan Good Friday ni-ah hun a chang ve a, inkhawm an tlem deuh va. “Ruaitheh dawn ni-in biakin leng lo khawpin kan inkhawm a, a lungngaih ni-ah khaw nge in awm zawh tak?” tiin pulpit a chûm dum dum.

6. An bial khan pastor an nei ho tiah tiah asin. Sakramen an chang a, chham tur a hriat a chham zo tawh si, an la sem zo si lo, a sawi tur hre tawh bawk si lo chuan, “Ei r’u.. A tha a nia. Hmelthatna a nih kha, arngeng tan pawh a tha,” te a ti vel.

7. Chhungkaw pakhat tawngtai khât deuh pawh khan kumthar zingah chhung inkhawm an nei ve a. Lal biakna an sawi a, an hriatpawlh nasa mai mai asin. ‘Kan Pa, vana mi, i hming zahawm rawh se; i ram lo thleng rawh se, kan pa Davida ram chu chawimawiin awm rawh se. Chungnungberah khian hosanna!” te an ti vel.

8. Camping-ah khan a lut ve a, an speaker khan, “Hriatthiam loh lai zawtfiah duh in awm em?” a ti a. Pakhat a lo ding nalh a, “Ka pu, pastor nge speaker lal zawk?” zuk ti a.

9. Kha thuhriltu vek khan thahnemngai takin hetiang hian sermon a lo thlak piap piap a..

“Vanramah chuan hmeichhia leh mipa kan awm tawh dawn lo va, angkhat vekin kan awm tawh ang a. Kan kap te chu uchang kap ang pâr a ni tawh dawn a ni.”

10. A fapa hming a phuah dawn a, hming ropui deuhva phuah a duh avangin ‘Isua, Petera, Paula’ hming tel vek se a duh a, ‘Superpaula’ a ti tawp.

Read More

Sakhaw Fiamthu-4

1. Recitation a sawi dawn a, ring deuhin, "Ngai teh" a tia, a theihnghilh leh sia. Zawi têin, "Ngai leh lo mai teh," a ti zuk.

2. Mi pakhat sual deuh pawh kha a thi a, a vuitu upa khan a dam laia a thil tih that sawi a duh ve sia, sawi mai tur a lo vang angreng si. A ngawi vang vang a, "Ka inkhawm kal tur kan inhmuh nikhua te hian min nuih saih thin," a'n ti ringawt ah!

3. Evangelist pakhat pawh a halelui tur leh a hahchhiau tur a inrual chiah mai chuh! Ring deuhvin a au daih!

4.  Tlangval pakhat pawh kha camp-ah a lut ve a, a chhuak leh chu a chhungte’n beisei nei takin, “Eng nge i an?” an lo ti a. Ani chuan thinrim tawkin, “Ka hmai bawl chiah a reh!” zuk ti hlur a!

5. ‘Heidenrial’ hla a lar lai khan a’n la-ho mai mai. “Kal dan ka thiam lo’ an ti zo chiah a, ‘kan lo kal ve..’ an ti leh a. Kal dan thiam lovin engtin nge maw kal a tum le?” a ti nuah nuah.

6. A piangthar tha lutuk inla-champ khan an khaw thenawmah thlemna te a zawng vel.

7. An thiandunin an tawngtai a. “Aw Lalpa, kei chuan sual ka ti lo che a, Duhawma’n sual a ti che a..” A thianpa chuan, “Fakpih, sual ka ti lo reng reng!”

8. Speaker: A nih chuan, zu leh sa leh mipat hmeichhiatna te hian em ni i nun tibuai ber thin?

Camper: E khai, ka nun tihlimtu ber te an nia sin.

9. “Khawvel zawng zawngah mihlim hlim fuh lo aia hlauh ka nei lo,” a lo ti ve char char.

10. A inkhawm ve a, thawhlawm khawn dawn vel laiin a lo muhil deuh a, thawhlawm an rawn khawn, a lo thlak ri ve ruk a; a hnuah chuan a indap ta thut thut a, a bula thute chuan, "Eng nge a?” an han ti a, ani chuan nui ruh ruh chung hian zawi supin, “Ka chahbi ka thawh daih!” a ti hui mai maw le.

Read More

Sakhaw Fiamthu-3

1. Tlangval pakhat piangthar pawh kha a’n piangthar rei lo mai mai. A camp chhuah tukah a bialnu nen an inhmu a, a da leh nghal!

2. “Ka pa, zu hi i in reng mai a,vanram i kai ang em?”

“Engah nge kan kai loh vang? Patling kan nia ‘lawm!”

3. Biak Inah hla hriltu nula khan a'n hril duham mai mai. 'I thu thuin kan awm duh e' tih turah 'I thu thuin kan awm duh e, kohhran committee thu ni lovin" a'n ti kher zel ah!

4. Tlangval pakhat pawh kha a piangthar rei lo ve asin, a aw chhângin a daih rei zâwk!

5. “Angel thianghlim, nunna lehkhabu-ah khan ka hming a chuang ve em? Faka ka nia.”

“Awm e..”

“Ka ring rëng a ni.”

6. Pa pakhat hi a piangthar tha mai mai, a fapa thihna pual khawntesep atanga pawisa an hmuh te sawma pakhat a pe vel.

7. Rinzuala camping lut pawh a rawn chhuak a. A chhungte’n beisei sang tawkin, “Eng nge i an?” an lo tia, “Chawtani kha tui ka ti ber,” a lo ti daih.

8. Ngeiawm ve asin. Inkhawm tantu atan an ruat a, “Bible i lo chhiar ang u. Rom khua daiha mite hnena Tirhkoh Paula lehkhathawn,” te a ti vel.

9. Pa pakhat piangthar da leh thin pawh kha a beidawng ve ngang a ni ang, “Dam reng hi chuan a pianthar reng theih loh a nih hi,” a ti thlawt!

10. Adama thinrim lutuk khan rul kha chhia leh tha hriatna theirah a barh ve a, rul chuan saruak mai a nih zia a  inhre chhuak a, a kap a hup vel!

(Kan blog-ah hian nitin fiamthu kan update thin a, i hman chang changin i lo tlawh ve thin dawn nia).

Read More

Sakhaw Fiamthu-2

1. Inkhawmnaah a chairman hlauh mai a. An kawmthlangpa, a huat em em mai thusawi zan a nia. Thusawi turin a sawm a, "Tunah Upa Rinzuala, amah pawhin a zawm theih loh midang tana thu tha tak tak sawi turin i lo sawm ang u," a ti deuh kher!

2. Camp-naah speaker-in Bible a rawn chhiar a, "A ram leh a felna zawng hmasa rawh u..." a ti chu camper zurui pakhat hian, "Kan hmuh hunah eng nge kan zawn leh dawn?" a lo ti khauh!

3. Camping chhuah dawn zan khan camper pakhat khan speaker hnenah, "Ka pu, pianthar hriatpuina lehkha min ziahsak teh, chuti lo chuan ka chhungte'n min ring leh tak tak lo vang," a'n tiah!

4. "Pastor, i fate hi an va khawvel mi ve."

"Rawngbawlin kan zin chhuak nasa a, Pathian kutah ka dah a, Anin ka kutah a lo dah bawk si a, kan inringthul alawm maw le."

5. An veng kha an han fel awm mai mai. Tlangval pakhat hi a hmai a vung bur a, "Tinge i hmai chu?" an tia. "Biak In tlar hmasa bera thutna kan inchuhna a nih hi," a'n tiah.

6. Pa pakhat pawh kha tawngtai a thiam lo ve mai asin.

“Lalpa, nizanah thi ang dera min muthilhtir tawh hnuin tukin zingah dam ang derin min kaitho leh a!”

7. Camping-ah a lut a, camp chhuah hmain upa hovin, “Eng nge i an? I tha em?” an ti a. Ani chuan, “Result an la puang lo va..” a lo ti chuai raih.

8. Camp-ah a lût a, a rawn tlâwm haw khawp mai. “Ka nu, min hrin zâna i pum nat chhan te, êk chhuak miah lova i san vak vak nachhan te kha keimah vâng vek a ni; min ngaidam rawh,” a ti ngawih ngawih reng mai!

9. Pulpit atanga thilpek lam uar taka a sawi lai takin lir a rawn nghing thut mai a, “Lalpa, i rawn chet duhdan chu ka thusawi subject nen a va inkalh ve,” a ti vel.

10. West Phaileng tlâng pakhatah Machhuana a tawngtai a, tûn thlengin midum bethel mual an ti.

Read More

Sakhaw Fiamthu-1

1. Negro naupang pakhat hi Pathian-in thla a vuahsak a. “Lalpa, Vantirhkoh ka ni em ni?” a ti a, Pathian chuan, “Mai mai a! Bâk i nih kha bâk!” a lo ti hlur!

2. Pi Puii: Thiani, i fapa kha eng nge a hming?
Pi Sangi: Haleluia.
Pi Puii: Amen.

3. Mi pakhat pawh kha a thi a, vân rorêlna hmunah a ding a. “Lei lama i thil tihte kan en ang,” an ti a. A thil tih sual chi hrang hrang kha a lo lang ta mai a. Ani zak lutuk chuan, “He’ng thilte hi ka tih a ni rëng rëng lo, camera trick a nih kha. Tunge cameraman?” te a ti vei pàng pâng mai mawle..!

4. Naupang: Âpa, âpu leh Pathian hi an inrual ami?
Pa: Engati nge?
Naupang: Ele! Ânu nen hian in tawngtai apiangin ‘kan pa’ in ti ziah a..

5. A thawveng ve khawp mai. A damlo va, a thi dawn tak tak tawhin a inhria a, “Tunah chuan dam tum tum lovin lui ral lehlama angel chhe lo tak takte saw try tlûk dan ngaihtuah zawk teh ang,” a ti ham ham.

6. Pa pakhat ngeiawm deuh pawh kha gospel camping-ah a lut a. Bethel-naah, “Lalpa, ka pianthar theihna tur a nih phawt chuan ka bula thu hi tihlum mai rawh,” tiin ring tawkin a au ve vak vak.

7. Pa pakhat pawh khan an biakin hnuaia generator an dah kha tawngtai khâwl emaw a lo ti char char.

8. Tlangval pakhat RKa pawh kha a piangthar ve a, vàn mite aiin Pawih ho an làwm zâwk.

9. Mihlim nu pakhat tawng thei ve deuh pawh kha an pain a vua a — “Lalpa, kalvari tlanga i tawrh ang kha ka tuar ve asin,” a ti vei zawt zawt.

10. An camp lut kha an han phawk mai mai asin. A luh zan sermon hma hauha an zai kha lamtual khatin zu han lâm nghal a! Speaker tihngaihna hre lo pawh pulpit atangin a then ve thú ringawt.

Read More