••• June 2009 khan Maharastra state-a thingtlang khaw pakhatah chuan utawk leh utawk an inneihtir mauh mai. Hindu sakhaw inneih dan kalphung ang thlapin an inneihtir nghe nghe. Hetia an inneihtir hian, an ruah pathian tilawma, ruah rawn surtir tura rinna maksak tak mai an neih vang a ni awm e. He khua hian hun rei tak ruahtui a hmu tha tawh lo a ni.
••• China rama Nanning, Guangxi Province-a intlansiakna competition an buatsaih thina an dân hi a dangdai angreng. Participants-te chu high heels (pheikhawk ke artui sang) bun chungin an intlansiaktir thin. Mipa participants-te chuan, a keartui inches 3 aia hniam lo an bun a ngai a, hmeichhe tan chuan inches 4 a ni ve thung.
••• New Jersey, USA-a cheng, pitar pakhat, Emma Hendrickson-i, kum 100 teh meuh maia upa tawh chu kum 2009 khan USA Ten-Pin Bowling Championship-ah a la inlan ve zan a ni. He competition-a vawi 50 lai mai a inlanna a ni nghe nghe.
 |
| Emma Hendrickson |
••• Kum 1997 khan Sergeant Cyril Jones-a chu thlawhtheihna atanga parachute hmanga Sumatra-a tum a tum chu chesualin thingkung pakhatah a inbang tang palh hlau mai a, an chhanchhuah hma ni 12 chhung lai mai he thingkunga a tan chhung zawng hian zawngte pakhatin a inhnemhnan nan theirah nitin a rawn pe thin a, he zawngte fel tak avang hian a dam khawchhuah theih phah hlauh a ni.
••• January 2009-ah khan, putar kum 84 mi, Luba Relic chu Warriewood, New South Wales court thuchhuak chuan kum 3000 thleng motor khalh a khapsak!
No comments:
Post a Comment