1. Nula pakhat pawh kha a bawp a tawi lutuk a, a pain boxer a leisak a, half pants-ah a hmang daih.
2. Nula pakhat pawh khan SMS a thawnsual mai mai khawp a. A pa phone-ah ‘Zanin chu lo lêng rawh, ka pate an awm dawn lo’ tihte a thawn vel.
3. Patil pahnih pawh hian nula an rim ve dawn a, nula nu chuan a lo vau hrep.
4. Nula pakhat pawh kha a hmai a bawl nasa lutuk a, a thiannu hnenah, “Engtin nge ka tih ang?” a tia, a thiannu chuan, “Tihdan ka hria,” a tia. A thiannu chuan, “Engtin?” a tia, pakhat zawk chuan, “Lu thlak,” a lo ti hmak a, a thiannu a hawihai rap.
5. Pa pakhat intipa lutuk pawh kha an kohhran kumthar lawmna tur vawk a talh ve dawn a, a inhnawih râng vel.
6. Naupang I-na: Ka pu chakai man chu a thau a nia aw..
Naupang II-na: Engtiang chiahin nge a thau a?
Naupang I-na: A ke te pawh a chum biang thei.
Naupang II-na: A la thau tâwk lo a nih chu. Ka pu man chu, ka man dawn paw’n a tlanchhia a, a fâwn lawrh lawrh thei.
7. An khuaah sawrkar lam hotute an lo lut a, VCP leh member-te an zawng a. An awm loh avangin Pastor tal pawh tiin an zawng a, a lo la awm lo cheu va. “Khawnge in khaw pa challang zawng zawng hi?” ti-a an han zawh chuan, “Vengchhak lamah,” tiin an lo chhang a. Vengchhak lama an han chhoh nak chuan, hmeithai in bathlau-ah an lo uai fur chu niin! “Eng nge a awmzia? VCP leh Pastor ho hova in uai tak fur!” ti-a an han zawh chuan VCP chuan, “He bathlarah bak Airtel signal awm hek lo!” a lo ti vin hlur!
8. Khaw thenawmah a zin a, a thlennate khan per thei rah tuarh mai hi an lo nei a. ‘Ei rawh, ei rawh’ an ti phal awzawng si lo va. An mikhualpa chuan a thleninte muthilh hlân chuan per thei chu a lo teuh va, a bag-ah a khung mawlh mawlh a. A bag-a nêk pàwng thei turte kha puanin a tuam thlap a. Tukthuan chaw eikham, chhuah dawn hun tepah chuan mikhualpa chuan ama bag hrui ngei mai chu a pal a, a tlu awrh a. A per thei ah rûk zawng zawng chu chhuatah a lum ta hul hul mai a. A tam tham roh mai si a, mikhualpa chuan, “Naupang lawm mai maiah ka ti asin mawle..” tih pahin a rût leh vek a, mangtha pawh mangtha lovin tukkhum za ur urin a chhuak hmawk hmawk e, an tia lawm!
9. Tlangval pakhat hian naupang 6 hi a ramkalpui a. Nakinah chuan sai thâwm an hre ta a. Sernam kungah chuan chu tlangval chu a lâwn thurh a, naupangho chu an lo lâwn ve zel si; a ler tâwp berah a lian ber a awm si avangin a zîk lam chu a rawn kuai lêt leh ta si, a lâwn hmasa ber kha a hniam berah a awm leh ta! “A lo kal tak tak pawh ka ring lo ve,” tiin a farthla a, naupangho a’n vai perh hneh khawpah! Hmun hrang hrangah an tap chiah chiah mai alawm!
10. A fate kha an han mâwl laileng khawp a. A pa inbual tur kawr phelh chu a âwm a lo hmul dur mai si a, an han en chiang a, “E he! Âpa âwmah zâwng a awm, a ban hnuaiah te zâwng a awm,” an ti a. A pa chuan, “In mâwl em mai, mâwl rehna ei r’u,” tih pahin ankasa a pe a, a eitir hlawm a. A hiar kha an hrethiam si lo va, “A va thak love.. Si chu a ngai ve si a..” an ti an ti mai a. A pa chuan, “Ngati nge khatia in tih in tih ni?” a han tih chuan a fate chuan, “I thil bâwk min pêk atang khan kan kâ-ah thli a thaw hiau hiau tawh,” te an la ti ta deuh deuh.
No comments:
Post a Comment