Zirna Fiamthu-5

1. Zirtirtu — Eng vangin nge sangha hi tuiah a nun theih?

Naupang — Sir, mithiamte a râwn chi loh maw?

2. Zirtirtu — Rinzual, ding teh. Eng vangin nge niminah sikul i lo kal loh?

Rinzuala — Sir, ka absent a.

(A van sawi dik tak!)

3. Nu pakhat pawh khan a fate sikula an maths teacher kha lehkha a thawn a. "Ka pu, i homework rawn pek thinah hian 'uisa kg 1 cheng 200 ni ta se' tih te, 'whiskey um 3 i nei a' tih vel hi rawn ti tel tawh lo hram teh. Kan pa a muhil thei thin lo," zuk ti a.

4. Sikul naupang pakhat pawl hnih zirlai pawh kha an zirtirtuin bawng essay ziak turin a ti a, ‘Bawng chu tawngtai lovin a mu thin’ tiin zu han ziak mauh va! A dik ve tho bawk sia.

5. Zirtirtu — Thatchhia leh taima belhin eng nge chhuak ang?

Rinzuala — Thatchhia.

Zirtirtu — Eng vangin?

Rinzuala — Minus leh plus belh chu minus a chhuak i tih kha…

6. Zirtirtu — Sai hi eng atan nge an hman thin?

Rinzuala — Sakawr atan.

7. Exam zawhna — ‘Laikhum zala ka dâwn pawhin, a mak e; hrilhin sawi har ka ti’ tia Vankhama’n a sawi hi eng a tihna nge han hrilhfìah teh.

Chhanna — A phuahtu Vankhama meuh pawhin sawi har a tih chu engtin nge keini zirlai ve maite’n kan hrilhfiah tehlul ang le…

8. Zirtirtu — Pig hi engtihna nge?

Zirlai — Vawk

Zirtirtu — A nih leh picture?

Zirlai — Vawk lem

Zirtirtu: A nih leh picnic?

Zirlai — Vawksa eikhawm.

Ngar ngar mai a.

9. An sikul kha an fair vak lo a ni ang. An zirlai pakhat khan, "Sir, ka exam ve tawp si lo va, ka pass ve ringawt a nia," a tia, an zirtirtu chuan, "I vannei a nih kha i vannei," a lo ti sam et.

10. Zirtirtu — 'Chini' hmangin sentence han siam teh.

Zirlai — Thingpui tui tak ka in.

Zirtirtu — I sentence siamah chuan chini a va tel si lo ve.

Zirlai — Thingpuiah khan a tel alawm.

He BLOG-ah hian nitin fiamthu tawi sawmnga vel dah thar thin a ni a, i lo chhiar thin dawn nia.