1. An zaipawl kha an han thiam mai khawp a, a air-in an ngaihdam te kha a bass-in an rawn ngaidam nawn awn awn mai.
2. Pa tawngkam thiam lo ngang mai kha a ni ve a, an thenawmpa kha step-ah a lum a, “Kha, i lum tha thei maw?” zuk ti a.
3. Pa pakhat zin pawh kha a thleninte'n sa an lo hmehpui a, a tawngkam thiam ang tâwkin, “Chawhmeh in va nei nuam ve..” a'n tiah.
4. Pa — ‘Ka pa’ pawh min ti tawh suh.
Rinzuala — A nih leh thianpa, ka lêng dâwn.
Pa — E he he.. Engtin pawh awm la, ka fa i ni tih hre rawh aw Zawnga..
Rinzuala — A nih leh Zawnga pa, ka chhuak.
5. Pa pakhat duap lutuk pawh khan inrinni tlaiah vawksa a khai hawng ve a, an nu chuan, “Vawksa an sem em ni?” zuk ti pek a!
6. A nau a thi a, a thawhpuite'n an lo hre mai si lo, vui zawhah an lo thleng. “In chhiat tawh kan lo hre lo va, a zia lo hle mai,” an ti a. A ngawi vung vung a, “A...nia.. Kan tlângzarh vak lo va..” zu ti a.
7. A pu ruang kha a kîl ve a, a tap ham ham mai a. A zuk en chiang a, a lo la meng si, “Ka pu a thi meng re re, a meng re re, awi awi ka pu a dere re,” a ti ham ham!
8. An vêng YMA khân saptawng an uar mai mai asin. Motor-a an vêngpa accident, a hnua lawka lungphuchawla boral kha thihchhanah, ‘Accident cum lungphuchawl’ an ti vel.
9. A'n zakthei lo mai mai khawp a. A thil ru lai an man a, “I zak em?” an tih paw'n, “Zak lo,” a la ti täng täng.
10. Luck lo bawn over. Lacto bonbon cheng khat man a ru a, an man a, cheng 1000 an chawitîr daih.
No comments:
Post a Comment