1. Camp-naah speaker-in Bible a rawn chhiar a, "A ram leh a felna zawng hmasa rawh u..." a ti chu camper zurui pakhat hian, "Kan hmuh hunah eng nge kan zawn leh dawn?" a lo ti khauh!
2. A zu rui pawh kha, "Rui mah ila,, thenawm khawvengte tan hnawksak nih ka duh lo," tiin a au tlaivar thak.
3. A'n nikhua lo leh pek khawp a. A chhungte'n ringtawk em emin damlo riahpui turin damdawiinah an tir a. Zu a in char char a, a damlo awmpui nen an chatthla rual. Ruang zawnchhuah rualin an zawn haw ve nghal.
4. Zu heh deuh mai pakhat hi a inentir ve a, a rawn nui chhuak vur vur mai a, a chhan an han zawh chuan, “Zu hi ka in nasa ropui sia, thin alawi pawh ka nei tawh loh ka lo rin vei nen, ‘i thin a lian’ min lo ti hlauh mai!” a tia, a la nui vur vur zel ni awm tak a ni.
5. Mi pakhat pawh a’n rui àwm asin. Rui chungin inah a haw a, thutthlêngah a thu a, a pa’n a rawn hau a. Chupa chuan, “Eee.. Ka pa, i va fiah lo ve.. I nuam lo em ni?” te a ti vel.
6. Tlangval pahnih ganja rui pawh kha ngawi rengin an thu kun lup lup a, nakinah chuan pakhat zâwk chuan cool tâwkin, “Thianpa, Barcelona-ah em ni khaaa..h i khelh?” a rawn ti sup.
7. Ngheta zurui lutuk pawh kha street light hnuaiah a mu a, a thiante’n, “Haw tawh ang,” an tih an tih paw’n a tho duh si lo va. A tâwpah a thiante’n, “A nih leh kan hawsan ang che aw..” an ti a, ani chuan, “Aw, in chhuah pahin light kha lo off nghâl ula,” a ti vel.
8. JAC ho khan a zu in lai an mansak a.
JAC: Amah kha kaltir ula, a zu in lai kha chu leihbaw nghâl rawh u.
Pa: Dîmtë khan leih baw r’u aw..
9. Zurui chimawm – a rui lutuk a, YMA-in an vuak hrep hnuah an hawtîr a, a thinrim lutuk chuan YMA hruaitu zawng zawng tlaivar thakin a miss call.
10. An tlangval rui reng kha an ning lutuk a, “Kima, khawia miin nge i ruih reng? Khawia mi nge pawisa i neih reng?” an ti a, thinrim tâwkin ipte atangin cheng 5 zawr tâwk a rawn phawrh a, “Jehova Jire Lalpa’n a ngaihtuah ang,” a rawn ti dam dap.
No comments:
Post a Comment