Zirna Fiamthu-3

1. Zirtirtu chuan zirlai hmai bul maiah kunin, “Liana, mihring hian oxygen kan hip lut a, carbon dioxide kan thaw chhuak a ni tih i hria em?” a han ti a. Liana chuan, “Aih aih, Sir, ka hre miah lo. Carbon dioxide chu a uih a ni tih chauh ka hria..” tiin a lo chhang.

2. Sikul naupang pawh khan a ipte a zen reng a, an miss-in, “Nang kha, i ipte i zen reng a, lo kal teh,” a tia, a zensak a, a ipte kha a lo pawp chu niin, “Tikhan tha deuhvin ak haw leh mai rawh,” a ti ringawt.

3. Sir Chhuanga: Vawiin eng period nge le?

Zirlai: Sir, Chemistry.

Sir Chhuanga: 'Chemistry' tih loh tur, 'khemistry' tia lam tur a ni. English-ah chuan 'ch' a awm chuan 'kh' anga lam tur aw.

Zirlai: Aw le, Sir Khuang.

4. Zirtirtu: Rinzual, nang khawvelah eng lui nge i hmuh chak ber?

Rinzuala: Brahmaputra.

Zirtirtu: A nih leh han sipel teh.

Rinzuala: Sir, Tut lui ka hmu chak ber leh si.

5. Zirtirtu — ‘Once upon a time’ tih hi Mizo tawngin han let teh.

Naupang — Miss, ‘one’ chu ka hria a, ‘time’ pawh ka hre mai a, mahse, ‘sapon’ tak hi ka hre lo.

6. Exam-naah ‘fekfawn’ kha hrilhfiah turin a lo chhuak a, ‘phone paina’ te a ti vel.

7. Naupang KG 1 zirlai pawh kha damdawiinah a kal a. Damdawiin bangah khan ‘MEI ZUK LUH PHAL A NI LO’ tih kha a lo intar a. A spell a spell a, a tawpah ‘SAZU LUH PHAL A NI LO’ tiin a spell chhuak daih!

8. An zirtirtu pawh khan naupang a hrem thiam âwm lo asin. “Pawnah saw’n nuam ti miah lovin va infiam rawh u,” te a ti vel.

9. Zirtirtu: Kha, lo kal thar kha, eng thlaah nge i pian sawi rawh.

Naupang: Sir, thlaah ka piang lo. Leiah ve tho ka piang.

10. Zirtirtu – ‘Tunlai i dam lai a ni em?’ tih hi saptawngin han sawi teh.

Naupang – Are you well modern?

He blog-ah hian nitin fiamthu tawi tha tak tak sawmnga (50) chuang post thin a ni a, i lo chhiar thin dawn nia.