1. Paber khan ar a làwm lutuk a. Buhfai leina an lo nei si lo, laklawh thilah tiin thenawmte tâ an la a, nuber chaw chhum tur chu an pa chuan ar chaw tur tiin a suak phai ta dawk mai a. Nuber ngaihdan a ni ta lo! “Kei aiin i ar ho i hmangaih zawk a nih hi! Duh leh a pa nghawng bâl deuh khu zuk ngaizawng la, ‘a nu no dam thei lo’ i tih i tih khu nupuiah zuk nei rawh. I neih chinah phei chuan fa pawh in dam zawk phian tur asin,” tiin a âng hlawih hlawih a! Ran pawh thîkthu chhe tan chuan thîk tham an lo tling ve zel a.
2. Nupa tuak thar pawh kha torch light nen an inlukhup a, an nui dun kar kar reng mai.
3. Beisei nei tawkin an kawmthlang nuthlawi tharlam a zu rim a.
Rinzuala: Engati nge in pa nen in inthen a?
Nuthlawi: Nang pawh zu in reng, mi kutthlak chîng, khaini heh si, ha nâwt peih bawk si lo bulah i awm reng peih bik dawn mi?
Rinzuala: Chutiang peih teuh lo mai. A va sualin a va tawp awm ve.
Nuthlawi: Ani pawhin a peih bik lo va, kan inthen.
4. An pa ramchhuak chu tlai lam dar 4 velah a lo haw a. “Mami nu, thingpui mi han siam teh, ril a va tam ve le..” a ti a. A nupui chuan thingpui a siam a, chhangthawp nen a chhawp a, tui ti takin a ei ta a. “Mami nu, tun ang hunah chhangthawp ur thar, lum vang vang min han pe a, ka lawm hle mai,” a ti a. An nu chuan, “Khawi lamah nge ur thar a nih tehlul ang ni? Kan zawhte Pussy-a kha a chungah a bawk nileng a nih kha..” a lo ti a. An pa tihngaihna hre lo chuan, “Zawhte fel tak a nih chu,” a la ti hram.
5. An nu kha, “Chhuak rawh,” a ti a, an nu chu a chhuak a. A hnuah an pa chuan, “Ani hi a haw tak tak ngam ang ka ti..” a ti vung vung a, an nu pawh chuan, “Min then tak tak ngam dawn a ni ang a….a reh rei em mai,” a ti a. An ngaihtha lo ru ve ve chu kawngka sir âwngah an inenthla ru ve ve a. An pa chuan, “Kan mit a va intiat ve,” a ti ringawt a. An nu chuan, “Ka lo lut teh ang,” a ti a, a lut a. An pa chuan, “Kan mit a intiat em mai, i awmdun leh mai teh ang,” a ti ringawt!
6. Pa — Mama nu, i mâwl thei em mai!
Nu — Fing ila ka nei reng nang che.
7. Nu pakhat pawh khan NREGS hi a’n ngaisang khawp a. A pasal nena an inhauha chhuah a tum apiangin job card hi a chuh hmasa ziah.
8. Pa pakhat zan leng rei lutuk pawh kha an nu in a hauh a hlau sia. Kawngka a hawng thêm thêm a, a duh aiin a ri ring ta sia, zawhte niawm takin a ngiau vel zaih.
9. Nupa kha an inhau a, an han induh tawh lo mai mai khawp a. An pa zawk chuan bâ aiah pawh ka duh lo che, ka hritlang hnap ai paw’n ka duh lo che. Ka thang âwk pawh ni la, ka la lo vang che,” zuk ti tûn tûn a!
10. Paber a lo tap pur a. “Ngati nge?” an tih chuan, “Kan nu’n buhtlei-in min hlap a..” a ti a. “Ngati nge a hlap che a?” an ti leh a, “Chaw ka chhum sual a..” a lo ti bui bui. Thaibawih ve tiah tiah asin.
He blog-ah hian nitin fiamthu hlimawm tak tak sawmnga (50) chuang post ziah a ni a, i lo chhiar thin dawn nia.
No comments:
Post a Comment