1. Intipa tawkin, "Mipa leh mipa chu inhnek siah siah mai tur, hnek siah siah mai tur," a lo ti tun tun a. An nuin a rawn ko leh thu si, "Nupuite'na min koh tawh chuan haw nal nal mai tur, haw nal nal mai tur," a'n tih zawm zat a.
2. A tawngtai a, "Lalpa, naupang nihna min pe a, min laksak leh a; tleirawl nihna min pe leh a, min laksak leh a; nupui min pe a...mahse, kum a liam leh ta fe mai a....ka rawn hrilh mai mai che a nih chu," zuk ti a!
3. Pa pakhat nupui then pawh a lungleng lutuk kha an khum bula perek inkilh te kha a thlir ngawih ngawih a. "A hma kha chuan hetah te hian a bra leh kekawrte a inkhai thin asin maw le," a tia, a tap hluam hluam.
4. An nupa inhau zo thinrim a tûm búr laiin a nupuiin, "Chaw hi no engzat nge ka chhum dawn?" a rawn tia, ani chuan, "Khati kha a ni mai dawn reng asin. Thil hre zawk leh fing zawkah i inngai ve ziah a, chaw chhum zat tur pawh hre lo hian ka hnial e êk e bal e ti tawh reng reng suh. NO THUM!" a ti vîn thak!
5. A pasal an vui liam tukah a nupui chuan chanchinbuah heti hian lawmthu sawina a chhuah a:
Nimina kan pa vuinaa lo tel zawng zawngte Lalpa'n malsawm vek che u rawh se.
From,
Lalengmawii, kum 26 chauh.
Height - 5'4 36/24/36
Ngo lampang, khal tawk, fa la nei lo.
6. "Nupa inthen chhan tam ber hi eng vang nge?" an tia, "An inneih vang a nih loh ten," a lo ti vin hlur.
7. "Ka pu, nang ramhuai hi i hlau ve em?" an tia, "E khai, hlauh tur vak a awm em ni? A farnu ni awm tak nen kum 30 zet chu kan lo innei tawh alawm," a lo ti a.
8. A nupui a lo âng hlak hlak a. "Ni a sat leh a thing rim i nam a,, ni a tlak leh a thar rim i nam bawk si; hnar nei tan chuan duh chi i ni lo," a ti tawp.
9. Pu Lawma pawh khan an nu tawngtam lutuk kha a kamkhat na ve anngreng khawp mai. "Nang nu zawt zawt hi, Kerala ho news chhiar ang mai, eng ber nge i sawi pawh i hriat theih lo. I tawng reng mai a, khaini i heh bawk si. I hmui kha ka thui ping lo deuh ang a, 'pue pue pue' tih bak sawi thei lo turin ka siam mai tur che asin," a ti mai chuh, an nu a ngawi chiang khawp.
10. Pa pakhat pawh khan pastor bulah an nula chungchang thlenin thurawn a lo la a.
Pa - Ka, pu, tunlai chu kan nu a tûm deuh reng mai a, engtin nge maw ka tih dawn le?
Pastor - Kum engzat nge in inneih tawh?
Pa - Kum sawmhnih chu a ni ve dawn tawh.
Pastor - A ei siam i faksak ngai em?
Pa - Fak ngai miah lo.
Pastor - A nih chuan zanin chu a chawhmeh siam han faksak chhin teh.
(Chu pa chu a haw a, chaw ei laiin a nupui chawhmeh siam chu a faksak ta luam a)
Nu - (Fiana a lu-a khawn fawk pahin) Kum sawmhnih chhung zawng ka chawhmeh siam i fak ngai lo va, zanin taka thenawmnu chawhmeh min suah i fak luam chu le! I duh leh va luhkhung nghal rawh!!! (Vanduai chiah chiah)
He BLOG-ah hian nitin fiamthu tawi tha tak tak dah luh ziah thin a ni a; eng pawh chu ni se, lo tlawh thin la, lo chhiar la, fiamthu hlimawm i chhiar chuan i nun hman a nawm phah ngei ang.
No comments:
Post a Comment