1. Zozial a zu tawi thei mai mai khawp a. Ralkhat atanga lo hmutute chuan, "Saw pa saw a ha a kher khu luih luih mai," an ti zel.
2. "Ka pu, kumin in buh a tha em?" an tia, ani chuan tha taka chhang ta mai lo khan, "Min hawtu tan chuan hmuh a hrehawm ve khawp ang," a'n ti kher ah.
3. A kut a thak a, "Yes, ka kut a thak, lehkhathawn ka dawng dawn a ni ang," a ti a, a phur viau a. Tlai lam a nih meuh chuan a pumin a thak tawh.
4. A mumangah chhangthawp a lo ei a, a han harh meuh chuan a lukham a lo ei zo tep!
5. Nula senior zah hre tawh map lo pawh kha tleirawl pakhatin a rim ve alawm. Inthlahrung deuhva a thut lai chuan, "Uai, i kezungpui chu satel lu a va ang lel lul ve," a ti kher a, tleirawl zak lutuk chuan a ke chu thutthleng hnuaiah a titlum lut hret hret la. Nula senior pek chuan, "Uai, a va han ți angreng ve!" a'n ti leh kher ah.
6. An nula chuan, "Pa, kan vawkpui hi tiral ila,, scooty min lei ve teh..." a ti chu a pa chuan, "A mai mai a! Nangmah zawk hi hralh chea vawk dang lei belh asin ka duh ni," a lo ti zek.
7. Mary — Bialnu i nei em?
Rinzuala — Nei lo.
Mary — A nih chuan min lo ngaihven teh aw.
(Luck lo ve asin)
8. "Ka pu, in TV a va tê ve," an tia, putar chuan vin tawkin, "A tê lo a ni ang chu, a chhungah pawh sai an tlan dum dum alawm," a lo ti ve tlat.
9. Patling a hnung lam atanga i en vang vang a, a lu a nghin lawih chuan a hnar hmul a pawt tihna a ni.
10. "Pu Lian, ti nge YMA hnatlangah khan i rawn tel ve loh? a relnaah khan i sawi phur ve viau sia? I ti ho em mai," an tia, "Ti ho em ni? Neil Armstrong te thlaa an lawn tum pawh khan a reltute zingah tumah lawn an awm chuang hleinem," a ti ve tlat.
No comments:
Post a Comment