Zu Fiamthu-5

1. An drama chan laiin rui lemah a chang a, a rui tak tak a, a buaithlak mai mai asin aw…

2. Addict pakhat pawh khan a thawmhnaw vel a hralh kuit hneh tawh lutuk a, kawnga mi pakhat lo kal hnenah, “Ka pu, Kristian Tlangau 2008 April thla chhuak i lei duh em?” a lo ti tawp.

3. Thian pahnih rui deuh pawh kha bike-in an tlu a, a hnung zawka mi chuan, “Thianpa, a kan tlu em ni?” tih pahin a darah a bêng thak thak a, ka ring che a nia aw…” a la ti zui a!

4. A damdawi rui kha a han polite mai mai asin. A pa chhuak tur chu kawngkharah a intauh palh a, a va kuah phei, "Ka pa, a na em? I tha em? Ei châk zawng te i nei em?" a'n tiah.

5. Fela: Rinzual, hman zan in chaw eikhawm chu i va nawi awm ve.

Rinzuala: Teuh nang aw... Ka kai mah mah dawnin ka hria a, ka haw hma daih alawm.

Fela: In inah alawm in ei khawm.

(Ngaihna awm lo)

6. Rinzuala: Ka pi, zu i nei em?

Pitar: Nei miah lo.

Rinzuala: A nih leh zu nei i hre mial em?

Pitar: Nei e, khawivah te, khamkhuai te, nghalpui te.

(Ngeiawm ve hrim hrim)

7. Zurui pakhat pawh khan nêm muang pâwr tâwkin, “Min cho in awm em? A ngam chuan ka nghawng hi rawn chhawk hmawk se ka harh sawt ang,” a tia, an kawmthlangpain, “Keiman ka ngam,” a tia, zuruia chuan, “Ka ti fiam a…” a ti nasa mai.

8. Tlangval pakhat pawh khan chhunah a chhungte feh hlâna zu thlawr a duh sia, mi an lo kal a hlau bawk si; an kawngka lu-ah, ‘CHHUNG INKHAWM KAN NEI MEK’ tih a târ nileng thak!

9. Chhungkhat paber pawh kha chawlhni tukah chhung inkhawmna a hman chuan tlai lamah a rui ziah.

10. A thi tur a chahthlak hma deuhin thei leh thei lovin banga a leather jacket inkhai chu a kawk tawk tawk a, a thi zui a. "Eng nge awm le?" tia an han en nak chuan, funte bung a lo awm.

He blog-ah hian nitin fiamthu tawi sawmnga chuang dah thar ziah a ni a, i lo chhiar thin dawn nia.