1. A bialnuin a then a, a rilru na lutuk khan an arpui kha a pet kak thawt mai a.
"Ti nge i pet ringawt a?"
"Min lo chhiat khum ve ziah a nih kha."
2. A hmangaihzia kha chiang leh fiah thei ang bera sawi kha a duh sia, "Duat, kakuk nei lo pawh ni la, ka hmangaih reng tho ang che," zuk ti a! A hmangaih thawkhat tih a chiang.
3. Tlangval pakhat pawh khan damdawi zuar a star a, a hrisel tul bawk si, a tih vak ngaihna hre lo chuan Vitamin ‘C’ a lei tlut tlut ringawt.
4. A sahdah hmuam kha chhas tih vel vang mai maia nghei a tum lo khawp. "Duat, sahdah hi hmuam tawh suh," a tia, ani pek chuan, "A mai mai a che. Nang ka tawn hmaa ka tawn daih tawh a nih hi," a lo ti hmak.
5. Tlangval pakhat pawh khan maruti tâwng lam a nei a, a sas kha a lênchhuahpui ve a. An tlan laklawh laiin motor a thi thut a, running a ngai a. Midang han pun mai tur an hre si lo va, a bialnuin amah chauhvin a nawr tuih tuih.
6. Nula leh tlangval inngaizawng pawh khan chance an nei ve a. Tlangval khan a bialnu bulah, “Nang hi chu ka tana khuanu bel ruat ngei i lo ni,” a tia, nula chuan inlazei fahran, “Nang pawh ka tana a cooker ruat i ni ve tho alawm,” a lo ti nghal zat.
7. A intipa chi kha a ni ve hrim hrim a. A chhas bulah, "Duat, tunah hian ka êk a chhuak em em a, mahse, ka e dawn lo," zuk ti a.
8. A nau khan, "Nu, U Mami hian thimthamah pawh thil a hmu thei vek maw le," a tia. A nu chuan, "Awihawm loh loh, lehkha zir tur pawhin tarmit a vuah zel hi," tiin a lo chhang a. Ani pek chuan, "Tak tak alawm. Nizan current awm loh lai, a thim vek lai khan U Rinzuala hnenah 'i hmuihmul i met lo a ni maw' a ti," a ti reuh a.
9. A zei vak lo a ni ang, a bialnu anga a lo ngaih khan, "Karlehah Fela nen kan inhual tawh dawn," a'n ti mai chu lehlam hawi pahin, "Kan ni emaw ka ti ve char char a," a ti sup ringawt.
10. Nula in kawngka bianga inchhuih luh khut khut pahin, “E khai! Khanchhuka ka’n inchhuih palh chu le!” a tia, nula chuan, “Kha te chu khanchhuk a nih loh kha…” a lo tia. Tlangval chuan, “Keini sawi ve te chu i awih leh tak tak chuang nang,” a’n ti leh zaih ah!
He blog-ah hian nitin fiamthu tawi tha tak tak sawmnga chuang dah thar ziah a ni a, i lo chhiar thin dawn nia.
No comments:
Post a Comment