1. Mi pakhat pawh khan thil a ru ve a. Police-hovin an man a, an dâwp a, “I thil rûk lai hmutu mi 50 kan rawn hruai dawn,” an tia, a’n zâm lo mai mai — “Kei paw’n ka rûk loh lai hmutu mi 50 ka rawn hruai ve thei tho,” zu ti a!
2. A jail tâng ning tawh lutuk khan tâng chhuak tur hnenah, "Fela, kan in han tlawh la, ka nau Rinzuala'n min rawn thlak rawh se," a ti tawp.
3. Police Inspector atan a interview ve a. “Rajiv Gandhi-a kha engtia thi nge a nih?” tiin an lo zawt a. A interview zo haw chu a chhungte’n eng nge a an an lo zawh chuan, “Min duh hmel khawp mai, hnuchhui tur pakhat chu min han pek nghal zat kha,” a ti vei phar phar.
4. 'Khawm case' khan an rawn man tel leh a. Police OC khan, "Kha pa kha engati nge in rawn man tel? Man tlak pawh a nih loh kha, chhuah leh nghal rawh u," a tia. Ani lah chuan a lo duh bik lo, "Eng nge man tlak ka nih loh bikna? Min va hmusit ve. Ka chhuak awm bik lo em mai," a ti ve tlat.
5. Nula: Ka pu, pawngsual ka tawk a.
Police: Engtik khan nge?
Nula: Thla li liam ta khan a nia.
Police: Khai, a va rei tawh ve. Ti nge tunah i lo report chauh a?
Nula: Ih, min pawngsual lai khan tuman min hmu si lo va, court-a chuan evidence an phut vek sia, thu puitlingah min ngaihsak dawn lo tih ka hriat avangin ka rawn report lawk lo va. Tunah chuan hei en ula, ka dul a puar pang tawh hi.
6. Motor a khalh a, a tlan chak mah mah a, traffic police-in an man a..
“Ngati nge i va rawn khalh chak ve?”
“Nia, vai motor a nia, ka dîm peih lo a nih kha.”
7. Jail tângho hi ‘eng nge i châk ber’ ti ila, ‘a changtupa lo kal se, min lo chhanchhuak vek se’ an ti deuh zel.
8. Hortoki pa pakhat pawh khan Aizawlah motor a khalh lut a, traffic police-in an lo man palh hlauh mai. "Khaw nge i driving license?" an tia, "E, keini thingtlangpa te chuan a bo kan hlauu a, thingrem mawngah kan dah daih alawm," a lo ti et.
9. Tawng thei lo sual deuh pawh khan thil rûk a hrât bawk sia, police-in dâwp chhuah har an ti asin aw...
10. Helmet khum lovin bike a rawn khalh phei vuk vuk a, traffic police khan a lo hmu fuh. Rang fe vin deuh hian, “Engati nge helmet lova i khum?” a ti lo tawp.
He blog-ah hian nitin fiamthu tawi tha tak tak sawmnga chuang dah luh thar ziah a ni a, i lo chhiar thin dawn nia.
No comments:
Post a Comment