1. Puar tâwkin a ramchhuak a, losul haw ho khan, “Eng nge i tih dawn?” an tia. Ring deuh lêng lâwng hian, “Sakei nghal ka va veh ang e,” a ti vel a. Khua a tlai lam deuh tawhah, “Eng nge i tih dawn?” an han ti leh a, an beng bulah zawi deuh sap hian, “SK ka zawng dawn,” a ti leh a. A hmun a thleng a, sakei hnu thar tak tak a lo awm chuk mai si a. “E khai, a la hla lo a nih hi, mual lehlamah insawn daih teh ang,” a ti a. A insawn phei a, chutah chuan sakei hnu hlui deuh deuh hlir a lo awm a. “E khai, a kalna a rei tawh a, a lo lang leh dawn hnai ngei ang, mual dangah kal leh daih teh ang,” a ti a. Mual dangah a kal a, sakei hnu engmah a lo awm lo va, “E khai, a tlawh hmabak a nih chiah hi, haw daih te’ng,” a ti a, a haw daih!
2. An inchung dî kha ar nghal deuh hian a thai a thai a. Vawmna tur a hmu mai si lo va, inchhungah a vawmna tur a va zawng a. A chhuak leh chu ar lo zuangthla a dawng chawt a, chartin chhanah a khup chin a tansak ta hmawk a. “Retheih hai chhuah tum ang hrima i han thai i han thai vei chu le..” tiin inchungah a vawrh chho leh a. Ar chu a rawn lum thla leh tawp tawp a. A la lawk a, a nupui hnenah, “Kha, ar nghal sa kha lo siam rawh; tlaiah thet hmiah hmiah ang. Ran të të, mi timualpho thei dawn alawm le..” a ti tùn tûn.
3. An vawkpui hur thei lo lutuk kha a mangang a, a tihngaihna hre lo chuana thut chilh a, sex story a chhiar khum vel.
4. “Thlawkthei savate leh leia kal thei savawmte danglamna ziak rawh.”
“Sairawkherhin han perh chiah ila, danglam tak a ni. Sava kan perh chuan a tlâk leh tlâk loh kan zawng nghal vat a; savawm kan perh ve thung chuan savawmin a perhtu min zawng nghal vat mai a ni.”
5. Mi pakhat ramriak lungleng pawh kha a tawngtai a, “Lalpa, ka lunglenna te, ka khawharna te min hnem turin tu emaw tal rawn tir rawh,” a ti a. A’n meng chiah chuh, keipui lian zet mai, sual hmel em em hian ei tumin amah chu a lo thlek dauh dauh! A lunglen chu a hnem ngang mai.
6. Tlangval pakhat pawh kha, “Sakei ka kap’ tih hi English-in han sawi teh,” an tia, chupa chuan, “A lion’s phungs,” a ti ve hmiah.
7. Zanah sakhi a chang ve a,keipui a lo chhuak leh daih sia, a tihngaihna hre lo chuan aw nêm hliaiin, “Heih…nangmah ka châng lo che, sakhi zawk asin ka chàn,” a ti vei duai duai.
8. Sazupui hi a tlan a, a zuang reng bawk a, mahse, kum 15 aia rei an dam ngai lo. Satel hi a awm mai mai a, a ei leh tawp a, kum 150 aia rei an dam thei.
A zirtir: Exer lak aiin mut a tha zawk.
9. ‘Awke’ hrâm sual nasa lutuk pawh kha — ‘Awke..awky.. okay..okhey’ a ti vel! A tawpah phei chuan, ‘Thank you’ te a rawn ti vel.
10. Khaw pakhatah pawh khan miss an thlang ve a, an judge-te chuan catwalk ti turin an ko chhuak hlawm a. An zinga pakhat chu intizei fe hian bawkvak chungin a rawn miau phei vel!
No comments:
Post a Comment