1. Profight-ah a tel ve a. “Tun kan inhnek hi nikuma ka thianpa boral ta, Rinzuala tan ka hlan e,” a ti ve ngawt a. An han inhnek chiah chu ani pawh an lo hnek hlum lo chauh.
2. Hrawk vung burin a inentir a, doctor chuan, “I au vak vak em ni? Tlangau ami i nih?” a lo ti hrep a. Chupa chuan, “Ka pu, profight-a a puang tèngtu kha ka nia,” a ti thâm tuak.
3. An thenawmte inah khan TV-ah boxing khel lai an lo en thap a, a en vang vang a. “Khi mite pahnih khi an inngeih lo ve hle mai,” zuk ti nulh a!
4. Football an khel a, an lamah goal a lut tlut tlut mai a, captain pawhin tihngaihna a hre lo va, a teammate-te hnenah, “Thai tlut tlut mai ang u aw…” a ti thlawt!
5. Fair lo ve asin – “In inkhel chu in chak em?” an lo ti a, “Engtin nge kan chak theih ang? Kan lama a goal chuan referee chawpin an lâm alawm,” te a ti vel maw le.
6. Football tournament-ah khan 12-0 in an chak lo va, a thiante bulah, “Goal-ah kan vanduai em a ni,” zu han ti pek a maw le!
7. An lal fapa kha football tournament-ah substitute atangin added time-ah a lut ve a, organiser lamin an lal tihlungawi loh an hlau sia, 'best subtitute'-ah an thlang.
8. Mi pakhat ho ve deuh pawh kha football match referee-ah a tang a. Nakin deuhah chuan an inkhelh laklawh laiin whistle chu a hâm tuarh a, tumahin an foul awm an hre si lo va, “Engati nge?” ti-a an han zawh chian chuan, “A khalh chak lutuk, a theih loh!” a’n ti ringawt ah! A hnu deuhah a hâm leh tuarh a, a chhan an han zawh leh chuan, “Rinzuala’n min melh rum!” Nawi ve khawp mai.
9. Messi jersey kha a ha ngun lutuk a, ‘mess’ tih a ha reh vek tawh a, ‘esi’ tih hain a tlan kual ve pup pup zel.
10. Pafa inkhel pawh hi an han rum mai mai khawp a. A pa zawk chuan, “Pafa ka sawi dawn lo, i fet viau chuan i nawi nak mai ang,” te a ti vel.
He hmunah hian nitin fiamthu tawi tha tak tak sawmnga chuang dah thar a ni a, i lo chhiar thin dawn nia.
No comments:
Post a Comment