Nungcha Fiamthu-1

1. Sakei pakhat pawh kha a’n sual mai mai. Bawngpui leh bawngpa tla lai a hmu fuh a, bawngpa chu a seh hlum a, bawngpui a la pâwngsual zui!

2. An commode-ah khan utawk a lo awm a. Inthiar turin a kekawr a hlîmthla a, a han thu chiah mai chu utawk kha a sawt käng thurh a, a phu nasa lutuk chu utawk aiin a sawt nasa zawk.

3. Tlangval pakhat cher deuh mai pawh kha an kawtah a mu a, a chhungte’n rul emaw an tia, an haw hrep!

4. Putar pakhat pawh kha, a huana balhla kha zawbuang ni ngeia a hriatin a lo ei thin a, thang a kam a, a kelpa kha a lo âwk ta si; a thinrim lutuk chuan, “Bê bê mah la, zawbuang ngei i ni e,” a ti tûn tûn.

5. Thil mak tak mai pahnih — Ran chu kan talh a, an thi mai a; lighter chu kan talh a, a nung daih. Zawhte hur chu an hram tàwn tâwn a; mihring hur chu kan ngawi tlat a, kang meng kual rulh rulh!

6. A wallpaper-ah khan pangang thla lianpui a dah a, a bialnu a hmuh thut a. Ani chuan räk tuarh pahin a la lawk a, sikri-ah a paihsak daih.

7. Sakawr hi zu dâwrah a kal a. Zu dâwr nghâktu chuan, “I hmai a va sei ve..!” a lo ti hrep!

8. Pitar pakhat pawh kha sakei-in a um a, pitarte hah tawh lutuk tihngaihna hre tawh lo chuan, “Saw laiah saw’n tlangval thisen lum tha tawk mai a awm a, seh zawk mai rawh,” a ti a, sakei chuan, “Ngawi rawh, vawiin chu a lum em mai, cold drinks ka mamawh tlat. Lo ding teeeehhhhh!!!!” tiin a um tauh tauh mai ‘ni.

9. ‘Tihian ka ngaihtuah mai mai a. Sanghawngsei hi damlo ta se, damdawi khà ei luihtir ila, a nghawng a sei sia, khà a hre rei duh àwm.

10. Ui note hian a pui hnêah, “Tunge ka pa hi?” a ti a. A pui chuan, “Ka hre lo. Hnung lam atanga thiltih a nia, a hmêl ka hmu bîk lo tlat,” a ti vel.