1. Boxing-ah a tel ve a, a tumpui pain a hnek apiangin a kùn zel a. Referee-in a hau va, “Kùn tawh suh,” a tia, ani chuan hmaisen túnin, “Its my life,” a ti tuau.
2. Wresler-ho hi ring chhûnga an luha an tawng pâwr thin tehreng nen, Mizo tawnga an han leh meuh chuan, “I bekah khan arsa a ni mai. Ka vêl dâwn che,” tih bâk an sawi ngai lo.
3. Pro-fight-ah a tel ve a, in-chiu chaknain a in-chiu ve a. A damdawi hman kha a rui leh sia, ring chhûngah a uak tuarh tuarh.
4. Mi pakhat chèr deuh pawh kha discuss throw-ah a tel ve a, amah a thlâwk daih.
5. An inkhelhnaah, “Sanga, i offside,” an tia, “Eng nge ka over-na?” a lo ti hú.
6. Tlangval senior pakhat pawh khan a kekawrte-a ARSENAL tih inziak chu hain hmân zâna Manchester United-in Arsenal an sawp lai kha a en ve a. A tâwpah an chang si lo thinrim lutuk chuan a kap chum vak vak pahin, “Thun thei lo lutuk!” a ti vin hlur ringawt.
7. Inkhelh thiam lo ve ‘sin. Team an select a, an indaih ngang loh paw’n an la chuang lo!
8. Unau pahnih pawh khan Liverpool leh Arsenal inkhel an en dun a. Gerrard-a rawn lang kha a nau zawk chuan a u hnenah, “Khi khi Lampard a ni maw?” a lo ti a, a u zawk chuan, “Mâwl leh lutuk mai! I chhaw vah mai a..” tiin a hau hrep a. A nau zawk tlawm duh lo chuan, “Nang pawh ‘D’ key i hre bik ami?” a tia, a u a dang chiang rap.
9. Nula senior pawh kha a’n senior tawh âwm mai mai asin. A inlengte pawh a in-armwrestling-pui zak zak zel.
10. “Football i khel ngai em?”
“Ngai e.”
“Khawiah nge i tlân thin?”
“Ball liamnaah.”
No comments:
Post a Comment