1. A au zei mai mai asin. "Chhiat tawh chungchanga khawtlang mipuite hriattirna," tih pah khan a'n ngîk deuh faih faih a.
2. Khaw pakhata pa pakhat uang thang lutuk pawh kha a thi a. An khawho khan an ringhlel a, ni 7 an tlaivarpui.
3. Mi in rawk a tum a, thim thamah khan mi a tawk thut a, a che ngam tawh lo, pakhat lah che ngam bik lo! An han inen chiang chu rukru ve tho kha a lo ni! Zan dar 12 velah mi bathlarah an inchibai lawp lawp.
4. An nula rimnaah khan a vawih palh a, a hnuah a zak deuh va, “Lalawma vawih dan kha ka zir thiam ve tho em?” te a ti vel.
5. Tlangval pakhat pawh kha a nula rimnaah a kua a puar a, a khât tawkin a pum kha ring deuh deuhvin a ri leh ruih ruih zel a. A zak lutuk chuan a rîk apiangin, “A mak ngawt mai, ri thei ka ei âwm pawh ka hre si lo va..” a ti ziah.
6. Thlasik lai khan a inbual tur hreh lutuk kha bathroom-ah tui lumin a inleih thelh zuai zuai.
7. Artui a hîp thei si lo va, a pasal a hîptir zeih.
8. Tlangval pakhat hian chak taka motor tlan lai hi a lo phar ding fo mai a, a chhan an han hriat chian chuan driver hnenah, “Tunah khan eng gear-in nge i tlan?” a lo ti thin a ni âwm e.
9. Tlangval pakhat pawh khan zan dar 12 velah thingrem liana an buhfai dah chu hralh a tum a, patla-in a buk a. A buk lai chuan a pa a lo tho va, “Kha, eng nge i tih?” a rawn ti thut mai a. A chhan ngaihna hre lo lutuk chuan, “Bûk mai mai, páwng bûk vel mai mai a nih hi!,” a ti tawp!
10. EE Office-ah a lut ve pawp a, a hawi vual vual a, “ZUMA ka lo khêl,” a ti vei zuk.
No comments:
Post a Comment