1. Pitar pakhat inla-tunlai lutuk pawh kha, “Ka pi, vawiin eng nge i tih dawn a?" an tia, pitar chuan, “Ka facebook mai mai dawn…huis,” te a ti vel.
2. Nula a rim ve a, nula chhungte chuan naupang TV en tur emaw an lo tia, chhuatah an thuttir.
3. A nghawng kha a han tawi âwm mai mai asin. Misualin rehhlum an tum a, an bei chawhma thak.
4. A lênluhna turah khan rap hla hi an lo play a, an inhau emaw a tia, pawnah a lo nghak ve char char.
5. An chhungkua kha an polite mai mai, an fate hmingah pawh ‘Excuse me Malsawmzuali, Sorry Laldinpuia’ te an ti vel.
6. A nuin, “Lalthuammawi, lo haw teh,” a ti a. Ani chuan, “Eng nge bo?” a lo ti nghal vat! (Thil a ruk than ve hmel)
7. Mikhual tlangnel pakhat pawh kha a’n tlangnel mai mai. An thleninte khan vawksa leh alu kan pawlh an hmehpui a, “In chawhmeh siam dan chu leh, ka hriat hran loh in ring vel a ni maw.. Ka hre hrang lutuk ringawt,” tih pahin a sa a thlang dun dun.
8. A inlazei mai mai. A tûl dan azirin nula bulah biangsum a siamchawp thei.
9. A mu a, a tho va, lênna tur a hre chuang si lo va. A mu leh ta mai.
10. Addict pakhat pawh kha a pain, “Mama, chartin hi engzat chiah nge i put zawh ve le?” a tia, “Rûkin nge rûk lohvin?” a lo tih zawm zat.
No comments:
Post a Comment