1. Jail tâng ning lutuk pakhat pawh kha tukverhah a dâk vauh vauh a, "Haw daih a ni, ka duh ni," a ti chhuak hlawl.
2. An thian thum khan bike-in an inphur a, traffic police-in a lo phar. "I leng tawh lo," tih leh tlàn an rual daih a!
3. Pathianni tlaiah hian police pakhat hian zu rui a man a, "I bengchhen avangin man i ni e," a tia. Zu rui chuan, "Ka pu, kar tluanin kan inhlawh a, kan bazar a, mamawh kan leina bâng sum tlemte, kan la neih zawng zawngin kan rui ve a, ngawihpui mai mai atan chuan a uiawm ve em asin," zuk ti a.
4. A pain a hau a. "Lalrinzual, i zak lo mi, lock up-a tâng tur khawpa buaina i lo siam reng reng?" a ti a, a fapa chuan zawi muang charh hian, "Ka pa, ka rin aiin a zahthlak loh, min an lo tlêm phian a," tiin a lo chhang a, a pa a sa tha mai mai.
5. Police - Nangmah sawisatu che hmel awm dan i la hre thei ang em?
Rinzuala - Hre thei tehreng e, a hmel awm dan ka sawi avanga min sawisa alawm a nih.
(A chiang khawp ang!)
6. Wanted poster intar kha a en vang vang a. "Ngati nge a thla an lak laia an man nghal mai loh le?" a ti chhuak hlawl.
7. "Pa-a, kan Rinzuala em em hi chu hau ve teh."
"Engati nge ni leh pek?"
"Vawiinah prison van atangin min lo bye bye a, 'ka nu, chaw chhum kep ka ngai lo aw' a rawn ti leh kher a! A zahthlak lutuk!!!"
8. Rûkru pawh kha a'n zâm lo mai mai. “Kha, engati nge ka sikret i rûk?” an tia, rûkru chuan, “Min hmuh manah kuhva min theh thei," a la ti zâwk zaw mah a!
9. Motor leh motor an insu a. Driver pakhat zâwk chu Police-hovin thu an zâwtfiah a.
Police - Engati nge horn i pêk loh va?
Driver - Ka pu, kutbul ka nia!
Police - Kutbulin motor i khalh thei a maw?
Driver - Ka pu, ka khalh theih loh vângin alawm ka accident!
10. Pi Thangi leh Pi Mawii an tîtî a.
Pi Thangi - Ka fapa Chhattisgarh kal kha râl lakah a boral a..
Pi Mawii - Eh! A va pawi ve.. Tunge tihlum a?
(Kaw lo thei)
No comments:
Post a Comment