1. An nu hnenah, "Kan thenawmnu khi en ta che, sahdah pawh a nghei tawh khi, i tluk lo lutuk," a ti a. An nu thinrim chuan, "A that chu," a ti a, thla khat deuhthaw chu pindan dangah a riak ta mai. Pa berin a tuar leh thei si lo! Zan khat chu an nu mutna pindan a va kik a, zawi tê hian, "Kan thenawmnu pawhin sahdah a hmuam leh tawh," a va ti dêk dêk.
2. A nupui âng peih lutuk kha a ning si, sawi tur a hre ve si lo va, "Aw le, khati zawng kha zanina kan hun hman theih te chu a ni a; nakzanah a hun ngaiah chhunzawm leh a ni ang," a ti a. A ti zo chiah chu a hma aia nasain a rawn âng zui leh a, "Aw le, sawi hmaih a nei a, i lo ngaithla leh lawk ang u," a ti leh a!
3. An inneih zanah an pain, "Khaw nge i mawng khal deuh kha?" a tia, an nu chuan, "Khi, pereka khi ka khai," tiin a lo chhang et.
4. Nu ber khan, "Ka chhuak dawn! I rui reng mai a, ka ning, ka kham, ka hne lutuk!" a ti buan buan a. A pasal chuan, "Nu-i, keimah zawk hi ka chhuak zawk ang e. Nang chu i chhuah hlekin chhungte puna koh haw i ngai zel a, kei chu koh ka ngai lo vang. Tlai lamah ka lo haw leh mai dawn nia," a lo ti zaih. Remhria hi ka tia!
5. A nupui a ngam lo viau a ni ang, an awmpui lak thar khan nuhrawn a hrawn emaw a lo ti ve char char.
6. Pu Kunga pawhin a nupui Pi Dari kha duat tak maiin 'Darling' tiin a ko va, Pi Dari chu a lo lawm ikhaw lo mai. "Engah nge chuti khera min koh a, Kungling!" zuk ti a.
7. Nupui te bâwl hi a peih ve hrim hrim a. An nu bai thiamzia a sawi alawm le. "Samtawk mai mai a bai pawh hian, a thenin vawksa suah kan tum a, a thenin sangha, kan tê ber phei chuan ice cream a zawng," a'n tiah. Em em lutuk chuan.
8. Nupui a nei fuh vak lo nge ni, a thiante bulah a nupui melh zauh pahin, "Pathian min hremna a nih hi," a ti sap.
9. A pasal TV en tui lai kha a va kuk fawk a.
Pasal - Ngati nge min kuk ngawt?
Nupui - I kekawr iptea lehkhathema 'Sandy' tih inziak saw tu nge?
Pasal - Hmannia kan thianpa uite lei thar hming a nia, theihnghilh ka hlau a, ka chhinchhiah a nih kha.
(An nu thinrim chu a reh ve mai a. A hnu lawkah a pasal TV en tui lai chu a va kuk leh fawk a).
Pasal - Eng nge ni leh fo va?!
Nupui - I phone saw va pick up rawh. I thianpa uite khan a lo phone che!
10. An nu zan mu a tawngvai a, "Chu, kan pa a lo haw a nia, tho vat rawh," a rawn ti a. A thawmhnaw pawm tûn chungin tukverhah a zuang chhuak a. A inngaihtuah vung vung a, "A va ho mai mai e aw... An pa ka ni reng sia," zuk ti a.
He BLOG-ah hian nitin fiamthu tawi thahnem tak dah thar ziah a ni a, i lo chhiar thin dawn nia.
No comments:
Post a Comment