1. Rinzuala - Fela, tui i cheng thiam em?
Fela - Cheng thiam lo.
Rinzuala - Ui pawh i tluk lo a nih chu.
Fela - Nang i cheng thiam em?
Rinzuala - Thiam e le.
Fela - A nih chuan ui nen eng nge in danglamna?
2. Putar pakhat, a tlangval laia savawm nena insual hi naupanghovin, "Ka pu, in tlangval laia savawm nena in insual dan han sawi teh," an ti a, ani pek chuan, "A, referee awm ve hek lo, a duh hun hunah min keih mai ni," zu ti teh tawp a.
3. A ramkal chu savawmin a lo seh nek mai a. "Engtin nge a seh mai theih che le?" an tia, "Ka khuai hual min lo lak khalh a, a la lai tak ka va nang fuh a, a mawngah ka pêt khanglang a, 'ka tihpalh' ka tih lawm lawm pawhin a ngaithla duh tlat lo alawm le," zuk ti a.
4. Vanneihthlak takin a sava veh chuan tlaiberh a perhthla hlauh mai a, fapa a nei a, a hmingah 'Kaphranga' a sa.
5. An ui fing kha a fing ve khawp a. Dog show-a an hruai ve pawhin a nu hur an hruai tel loh chuan a in-show duh thak lo.
6. "Thiannu, hming nei miah lo thil i hria em?" a tia, a thiannu chuan, "E le, piring," a lo ti vat a. "Hming a neih reng chu," a ti leh a, a thiannu chuan, "A nei lo va, a pi hming a ring alawm," a ti leh tlat.
7. Khaw pakhatah pawh khan nula rim tur an han vâng mai mai khawp a, uisathiam nen nula rîm tur an zawng thin.
8. A ram kalnaah savawm sum riat zeta lian muthlu a hmu a. A chem a phawrh sauh sauh a, dim têin a va veh phei. Hnai set sawtah sahhlum ngei tumin chempui a lek kang a, theihtawpa nain ban a vai, a chem fawng a thawn daih a, a chûm taih. Pawi thui tak a ni!
9. Zinglam dar thum velah vawk a talh dawn a. Na theih tawpa a chal taka cheh tumin a hreipui a lek a, a'n vai chu a chunga tlangbanin a lo bât a, a kuttumin a zuk chum chawrh ringawt a. Chu vawk chuan na a ti lo mai mai khawp a, a ngainep asin aw...
10. A thianpa bulah, "Ka star-te ina kan len hunah mi lian deuh angin min sawi ang che," a ti a, zanah an leng ta ngei a. A thianpa chuan, "Ka thianpa hi sai a nih hi," a ti deuh chhen.
He BLOG-ah hian nitin fiamthu tawi tha tak tak dah luh ziah a ni a; lo tlawh thin la, lo chhiar la, i lo hlimpui thin dawn nia.
No comments:
Post a Comment