1. "Kan CPU a chhia a, min siamsak thei in awm em?" a tia, a thlang lawk atangin thûm dût hian, "Rem dik rawh," a rawn ti ringawt.
2. Patling pui mai kha chhun pachangah, "Eloi, eloi, lama sabakthani," tiin a au ruah ruah a, an han en chian nak chhuan a kekawr zipper-in a lo zip hnan lo niin.
3. An huana serthlum rutute kha an han nghal mai mai khawp a. Ruk kha duhtawk ta mai lo chuan, "Kumin chu in serthlum a va thlum lo ve," tiin an tar.
4. A vannei mai mai asin. A tukkhumah bâwk a awm a, a zung chhuak.
5. Sumdawng pakhat pawh khan, "Kan thleng zawrh hi South Korea atanga kan lak a nia," a ti chu customer pakhat chuan, "Ka pi, hei chu Made in Burma a intih hi," a lo ti khauh a. Ani tihngaihna hre lo chuan, "Aw, Burma atangin South Korea-ah kan phur chho va, chuta tangin kan lo letpui leh alawm," a ti ringawt.
6. Naupang chimawm ve thawkhat tak mai pawh kha city bus-ah a chuang a. "Ka pa bawngpa a niha ka nu bawngpui a nih chu kei chu bawngnote, ka pa kelpa a niha ka nu kelpui a nih chuan kei chu kelnote," tih kha a sawi deuh chhen a. Bus driver ning lutuk khan, "I pa misual a niha i nu rukru a nih chuan eng nge i nih?" a tia, naupang chuan, "Bus driver," tiin a lo chhang a.
7. Pa pakhat daw thei pawh khan, "Pukah ramhuai ke pakhat nei ka hmu a, a lo thu dawrh suah mai a," a'n tiah.
8. An thian dun khan lunglenah an inel a. Pakhat zawk chuan vai chhang kawt a hmu a, "Awi ka rei," tih pahin a dir nghal char char a. A thianpa ve thung chuan a mawng a kawm zauh a, hnim pahin, "Awi ka nu!" a ti a, a mittui a far nghal zawih zawih.
9. "Sa hmeh reng hi ka ning ta hle mai."
"Awi, in van hausa em em, hne khawp khawpa hmeh chu. Eng sa nge in hmeh thin a?"
"Ankasa."
10. Lalbula pawh khan a thianpa hnenah, "Thanzik, i dam maw?" a tia, Thanzika chuan, "A bul ber in dam chuan a zik chu engah nge kan dam loh teh lul ang?' a lo ti duah.
No comments:
Post a Comment