1. Mi serthlum a rûk lai takin a neitupain a rawn hmu thut si, a tlanchhe ta a. "Tu nge serthlum ru kha? Lo ding teh!" tiin a au tuarh a, ani chuan, "Tu nge hetiangah ding duh tawh ang?" a tia, chak lehzualin a tlàn ta a.
2. "Nang hi i va nui tha duh lo ve," an tia, "Min hrethiam teh u. Arngeng ka ngah lutuk a, ka nuih zawng hian amahin a indeh nghal tuarh zel a," zuk ti a.
3. Civil Hospital gate sirah a lo kûn ngar ngar a, a mittui a tla zawih zawih bawk a. 'Engati nge? I eng nge nâ?" an ti a, an kîl bial laih laih a. Ani chuan, "Ka sahdah hmuam a al lutuk!" a rawn ti chhuak hlawl.
4. Parawl pakhat pawhin facebook-ah a thlalak a rawn upload a, a caption-ah 'chhungkaw kimin, dahtha ve keuh teh ang' a'n ti ngei ah.
5. An khua kha a nuam vak lo ni ngei tur a ni. An khaw nawm dan ber chu, Pathianni tlaia inhmuhkhawm a, an khaw nawm lohzia sawiho kha a ni ve tlat.
6. "Vawiin kan feh chu a ho khawp mai."
"Ngati nge?"
"An lo kha a hla deuh a. Chawhma chhung kan kal a, chawhnu zawng kan haw."
7. "Zanina ka mamawh min pe theitu chu cheng nuai khat ka pe chiang viau ang."
"Eng nge i mamawh chu?"
"Cheng nuai hnih."
8. "I thianpa damdawiin awm chu eng nâ nge a?"
"A thin a ro a."
"E, an tihuh ang a, a zia ve leh mai ang."
9. A nula rimnaah nula pa nen an inkawm mai mai a, intivengva deuh mai hian, "A mak ngawt mai, chanchinbu phek daih tawk chiah chiah chanchinthar, khawvel pumpuia a'n thleng chat chat mai hi chu," zuk ti a.
10. Rinzuala leh Fela te thian dun hi an zin dun a, khaw karkawnga an kal laiin misual pahnih, silai keng hi an tawk a. Misual pakhat zawk chuan, "In pawisa zawng zawng rawn la nghal rawh u, chuti lo chu kan kaphlum ang che u," a rawn tia. Chu veleh Rinzuala chuan, "Fela, kha i cheng 300 ka bat ka pe tawh ang che," tih pahin pawisa a pe vat a!
He BLOG-ah hian nitin fiamthu tawi tha tak tak sawmnga vel dah luh ziah thin a ni a; eng pawh chu ni se, lo tlawh thin la, lo chhiar la, fiamthu hlimawm i chhiar chuan i nun hman a nawm phah ngei ang.
No comments:
Post a Comment