1. "Kha, i va hmanhmawh ve, khawiah nge i kal dawn?"
"Nia, sawtah ka thianpa an lo tibuai a, ka va tlanchhiatpui lawk ang e."
A thianpa a hmangaih ngawt mai.
2. Fair & handsome a hmang ve a, handsome a thawk leh si lo va, a hmel a fair em em ringawt.
3. A dawih tawh sa nak alaiin zan rehah amah chauhvin bike a khalh a. Khaw kar kawnga motor a tawh khalhtu uang zet mai chuan, "Van phur chhe lo ve," a ti zauh a, a phur tak tak emaw a inti, a hawi lêt ngam bawk si lo. Tlàn chak fua fua tak chu a ni!
4. "Ka pu, in veng atang hian mi ropui an chhuak tawh em?"
"Chhuak tawh e le. Kan vengah mi ropui an awm peih lo, min chhuahsan zel."
5. PWD-a road roller khalhtu kha an puin, "Hna awm loh ni te hi chuan i duhna naah khalh chhuak ve thin la," a'n tiah.
6. "Ka pi, in tlangvalte chu eng nge an thawh ve?"
"Pakhat hi thutthlengsei chhak zawkah a mu a, pakhat hi thlang lamah a mu a, TV an en thin." Hahthlak hlawm hian!
7. A insawithei ve mai mai asin. "Kg engzata rit nge i nih?" an tia, "Kg 105, wallet ka pai chuan kg 108," a'n ti kher ah.
8. Inkhawm laiin a phone khawih châk tawh lutuk khan a hla bu kha phone angin, nui vur vur chungin a type mual mual.
9. A'n inngaitlawm mai mai khawp a. A facebook profile name-ah, 'Pu Liana Hlawhfa' tiin a indah.
10. Hnial kha a'n hrât ve mai mai asin.
"I dam maw?"
"Damlo ila khumah te ka mu ve ang chu."
"Aw....aw... a nih leh in tha maw?"
"That leh that loh lam chu a entu azir a ni ang chu."
"A va hahthlak e...a nih eng nge in an?"
"An vak pawh kan nei lo. Kan chhungkua pawh kan inang lo tlang hlawm chu a nih hi."
"Awww...a nih ka kal phawt ang e."
"Kal suh ka ti reng reng hleinem che."
No comments:
Post a Comment