Fiamthu Tawi-38

1. Pawn bathlarah a ding vang vang a. Ama hriat tham lek hian, "Pawn hi chu in chhung ai chuan a lo zau a nih hi," a ti sap a.

2. Inleng a nei thing thin mai mai! A pa’n a kamkhat hlak a.

“Mami, i inlengpa hi hau teh, veranda-a kan pangpar khawi zawng a zunkhum hlum zo vek tawh.”

3. Mipa leh hmeichhe inan lohna: Mipa chu an zun laiin an hawi kual vak vak a, hmeichhia chu an zun laiin an melh ngai an melh ngur ngur.

4. "Cyclone-ah ka chuang tawh," a lo ti deuh chhen a. "Awihawm loh lutuk. Engtin nge i chuan theih?" an tia, "E le, kan thlam chawpin min la," a ti heu.

5. Nu — Rinzual, helai thingrema ka pawisa dah kha i ru a ni maw?

Rinzuala — Uai, pawisa ru angin ka va awm si lo ve. Ka va inthlahrung si lo ve, hei.

6. "Chaw i ei tawh em?" an tia, "Ei lo," tia a lo chhang chu, "Ei lo si i va lian ve," an tia. A ngaihdan a ni chiah lo a ni ang, "Ngawi teh, Ngaizel kham panga lungpui lian tak takte pawh saw'n chaw an ei âwm reng reng ka hre lo," a ti hmuk.

7. "Hortoki khuaah chuan i â ber," an tia, tûm bur chungin a kal nul nul. Nakinah chuan a piah kawngkawi a thleng ta maw tihah a rawn lêt leh, "Hortoki khua ka ni lo aw, Sihphir khua asin," zuk ti a. Sihphir khuaah pawh a â ber tho ang.

8. Rinzuala — Ka pu, nizan ka mumangah thla ka lo la nasa lutuk a.

Putar — E, Rinzual, mumanga thla lak hi a tha lo asin.

Rinzuala — A ni maw? Eng nge a that lohna?

Putar — E le, a chhuak thei lo.

9. Passenger khan, "A remchang laiah ka lo chhuk ang aw..." a ti chu bus driver chuan, "Kawngka bak kha remchang dang a awm lo," a lo ti hmuk.

10. Thian dun pawh kha an awm a. Pakhat zawk khan, “Thianpa, chaw hi no. 4 ka chhum dawn a, kan kham ang em?” a tia, a thianpa chuan, “E! Chaw ei chhuah i tum elo?” a lo ti hem mai.

He BLOG-ah hian nitin fiamthu tawi tha tak tak sawmnga chuang dah luh ziah thin a ni a, i lo tlawh ve fo dawn nia.