1. Pitar pakhat pawh khan empai-in zu a phur a. Excise duty-te’n an lo check a, “Ka pi, eng nge i phurh?” an tia, pitar chuan, “Buhfai,” tiin a lo chhang a. An han en chian chuan zu hlir a lo awm sia. “Hei ka pi, zu a nih hi..” an tia, pitar tihngaihna hre lo lutuk chuan, “A.. A lo tui zo vek a nih hi,” a ti zaih.
2. Pa pakhat pawh khan mi huana zawngtah a lo ru a, a lera a awm laiin a neitute’n an lo hmu a, a tihngaihna hre lo lutuk chu thingkung lera a awm lai la lain a rui der vak ringawt.
3. Zu a rui ve mai mai khawp a. Kopang a kik dat dat a, “Pi Mawi, khawi maw fûn thum,” a ti chhak.
4. Drugs addict pakhat vein nei tawh lo pawh khan a chalah vein a hmu hlauh a, “Yesss.. Urlawk zan atan khek ang,” a ti vel.
5. Pa pakhat pawh hian zu a rui a, a thianpa hnenah, “Nang hi pathum elaw i nih?” te a ti vel.
6. Kumhlui thlah zânah a rui mualpho a, a pain a kuah haw a, an kawtah chuan a pa hnênah, “Ih.. Thianpa, ka pa hnênah sawi miah suh aw..” a la ti vei chhâk chhâk.
7. Pa pakhat chiri tlûk hlau pawh kha electric ban vuanin a lo khur ngar ngar a, a thiante’n current-in a man emaw an tia, mau rovin an hawlh nek!
8. Naupang pakhat pawh hian a pa tlaitin zu in thin kha a thupmawi thiam ve khawp mai, “Khawnge i pa?” an tih pawh hian, “Khuuuutah.. Local Conference-naah,” tiin a chhâng zaih zel.
9. Pawnchhia a hùm a, a fûn bung a ak bawk a, rui pâwr fé hian, “Khawvelte chu a chên thiam thiam..” a rawn ti phei lûng lûng.
10. Mitthi lumennaah an zai tui lo lutuk kha tlangval pakhat rui deuh phelh phawlh hi a lo ding a, an YMA President lam hawiin, “Ka u Thakim, rap tawh mai ang u!” a’n ti piap mai chuh!
No comments:
Post a Comment