Police Fiamthu-1

1. Rinzuala: Ka pu, kan huanah bomb a awm a nia.

Police: E khai aw.. Ni thum chhunga a neituin a rawn la lo a nih chuan i nei daih dawn nia.

2. Police zu heh deuh hi an pute'n a nghei theih beiseiin camp-ah lut ve sela an ti a, ani lah chuan, "Ka piantharsak awm lo em mai," a lo ti duh lek chauh.

3. Police : Lalrinzual, Police Station-ah lo kal lawk teh.

Lalrinzuala : Ka peih lo e a! Lo kal lawk teh in tia ka riak ziah.

4. Police pakhat pawh khan tlangval pakhat hnenah, “Eng vanga thlanmuala bike ding kha ru nge i nih?” a ti a, tlangval chuan, “A neitu a thi tawh emaw ka tia,” tiin a lo chhang ve tlat.

5. PTC-ah a training ve a, a chhûngte’n an kan laiin an lo hrem chu niin, a lo utawk sawt lauh lauh a, a zak lutuk tih ngaihna hre lo chuan an nu bulah, “A mal të tëin nitin tihian kan intihchhawk ziah,” a ti zaih.

6. Nau a piang a, an khaw zawlnei chuan, “He nau hi kan khaw mipuite kawng kawhhmuhtu a la ni dâwn..” a ti a, a chhûngte rëng an lâwm. Kum 25 hnuah traffic police a ni ta!

7. Police-in an man ngun lutuk a, an in kawt kha Prison Van Stand emaw an ti tawp.

8. Pa pakhat Aizawl Civil Hospital kawt a ding pawh kha, a zozial zu kha security-te’n an man a, cheng 200 chawitir an tum a, chupa chuan, “Cheng 200 nei ila, zozial ka zu tawp nang,” a lo ti hlur.

9. Sipaiah a intlar a, san zawngah a tling lo va. A kun ngãih a, a rawn hawi chhuak leh chiah chu, “Sipai të chi hi la ve sela aw..” a ti vawng vawng.

10. Tlangval pahnih pawh an sumdawnnaah an man a, an bag an ensak chu perfume an lo zuar a. Police ho lah chu hre reng chungin an sual lui a, an zawt ta a. “Eng nge in ken hi? Drugs a ni em?” an ti chu a hming lam dan an theihnghilh a, “Tui rimtui,” a ti tawp. A thianpa lah chuan intihre tawkin, “A ni lo, tui hmui alawm,” a lo ti ve sek a. Police-ho pawh, “Tui hmui, tui rimtui,” tiin dulthuar na vek khawpin an nui maw le!

Nitin fiamthu tha tak tak sawmnga chuang dah thar ziah a ni a, i lo chhiar thin dawn nia.