Nupa Fiamthu-4

1. Pa pakhat pawh zanah a inlehkhaden rei lutuk a, a haw chu a chhungte’n an hriat a hlau si. Thawmhnaw phelh sain zan zung zo angin a lut vel. An nu’n a lo hre tho si, “Lo lut mai mai teh, kan hre tho che,” a lo ti hlur mai.

2. Rinzuala — Naktuk chu thianho kan picnic dawn a.

Pa — Condom pai ang che.

Rinzuala — Ka pa hi a.

Pa — I tum loh deuh nupui i nei ve luau mai tur a nia.

Nu berin tûm vuauin TV channel a thlak kual nghal pawp pawp.

3. Pa pakhat hian be-ai thang a kam a, varihaw a âwk hlauh mai a. Pathianni tukah an ei dawn a. Paber chuan, “Hâw hâw lo chuan ei loh tur,” a tia, naupang chu an hâw hâw dar dar a, an ei zel a. Nuber chuan intineitu takin hâw hâw lova ei a tum a. Paber chuan, “Nang kha! I la hâw hâw ve lo,” a ti a, nuber chuan ei zawhsan a hlau bawk si. A tawpah chuan, “Pa-a, i ti kher kher e…hâw hâw..” a tia, a ei ve ta a..

4. A nupui kha a ngam lo mai mai asin. "Nu-i, zanin chu thenawmpa nen khawhar inah kal ve ila kan ti a, Pathianin rem 'i' tih chuan," a'n tiah.

5. An nupa leh an thenawm te nupa an indawlchuh a. A tawpah an inhau ta, an nu a tlan ta hial mai. Thla thum hnuah a thiante'n an va kohsak, inthlahrung deuhvin an nu a rawn lut, melh pawh melh lovin, "Zum kha rawngah thlang la chu kan kawt lo vang maw le," a la rawn ti. A va han la na ve tak e aw...

6. An inngaihzawn lai chuan a bialnu number kha ‘My Love’ tiin a save a.

An inneih chuan ‘My Life.’

Kum 2 hnuah, ‘My Wife.’

Kum 5 hnuah, ‘Hitler.’

Kum 10-naah, ‘Wrong Number.’

7. Pa — Nu-i, eng nge chawhmeh i siam?

Nu — I zu inna bottle ruak ka khawl kha ka hralh a, arsa ka lei a, ka siam.

Pa — Kha kha a ni mai. Zu te hi awmze neiin ka in ka tih reng kha.

8. An nupa kha an inhau va. An nu kha a tawng thei ropui sia, an pa dang chiang lutuk sawi tur hre tawh lo chuan, “Khawhai-ah ka han chho ang a, ka tum aia rei ka han châm teh ang,” a ti ve ringawt.

9. Kohhran upa pakhat pawh a ho ve thei mai mai. Nilai zan inkhawmah mi a phuar ve a, “Kan nau Lalduha hi inngaihna suala a lo tlûk leh thin avangin…” te a ti vel.

10. An pa nen an inhnial a, an thinrim dun khawp mai. A tawpah nu ber tihngaihna hre lo chuan, "Lalhma, ti khan mi ti hlek suh aw, waiting list an tam teh a nia," a'n tiah.

He BLOG-ah hian nitin fiamthu tawi tha tak tak sawmnga chuang dah luh thin a ni a, i lo chhiar thin dawn nia.