1. An chhungkua kha an lungrual awm mai mai, an zinga pakhat pawh damlo se nachhâwkna an ei vek zel.
2. Mi pakhat pawh kha a han thinchhe mai mai khawp a. A hlothlawhna lamah a kekawr tlâng hi thingbul hian a bât a. Lâkchhuah a tumna lamah a kut a vai na lutuk a, a ke a bêng phet a; bek lei si chawrh khawpin zu inbêng tlu a!
3. Pu Biaka, tléma eng emaw deuh lampang pawh hian nuho zawngtah lo turin a hruai ve teuh mai a. Darkar thum vel an kal hnu pawhin an la thleng si lo va, nuho chuan, “Kan thleng dawn tawh em?” tiin an zawt sek mai a. Pu Biaka chu ngawi rengin sawntlung pawngah kawng dawm meuhvin a ding a, ramhnuai lam thlir vang vang chung chuan muangchang hian, “Engah nge maw dawt hi ka sawi leh thin le.. Ka sawi tawh lo vang ka tih pawhin ka sawi leh thin..” a’n ti charh charh mai chuh! Nuho an sa raps!!!
4. Tlangval kekem nei — Vawi khat chu a nu thawmhnaw rukchhuah a tum a, polythene-a a khung zo chiah tihah pindanah chuan a nu a rawn lut thut a. Tihngaihna vak a hre si lo va, a thil ken lai chu chhuatah vawmthlain a pêt a pêt ta mai a. Chutia ball anga a pêt a pêt hnu chuan pawnah a pêt chhuak ta nawlh mai a. A nu chhuah hnu chuan a va chhar a, a hralh daih asin!
5. Pa pakhat pawh kha a thisen sang a a tlu a, nikhat leh chawhma vel chu engmah hre lovin a awm a. A harhchhuak chiah kha an thenawmnuin a lo hre ve a, a han tlawh a. Inthlahrung deuh khan, “Engmah kan lo hre lo va..” a han tia, chupa chuan, “Engmah i hre nang, kei pawhin engmah ka hre bik hleinem,” a lo ti hmuk.
6. Ka nghawng tawi hriat ve chu, a helmet khum ve kha a nghawngah a innghat.
7. A ID Card-a identification mark pawh kha a common lo mai mai. ‘Helmet on the head’ a ni tawp.
8. A thiante bulah intithei tâwkin, “Band kan din ve a,” a ti a. A thiante’n, “Eng part ber nge i chan ve a?” an ti a, ani chuan intithei zet hian, “Soundboxputarist!” zu han ti a!
9. An motor thar lak chhuah tum khan zanah a pa lukham hnuai kha chabi zawngin a va dap dû dû a, a pa harh khan, “Eng nge?” a lo ti khur khur a, “Tunge chawlhni zana thusawi tur kha?” tih pahin a kal nal nal.
10. Tlangval pakhat pawh khan bottle a tui awm kha tuisik emaw a tia, a in pup a; thinner a lo ni sia, a thi ta mai a.
Thihchhan: Tui hai.
He blog-ah hian nitin fiamthu tawi tha tak tak sawmnga (50) chuang post ziah a ni a, i lo chhiar thin dawn nia.
No comments:
Post a Comment