1. Pa pakhat motor nei thar, la khalh thiam chiang si lo pawh khan a motor a khalh chhuak ve a. Sumo nen kawngkawiah an insu tep a, sumo driver thinrim lutuk chuan pâwr tawkin, “Ngati nge? I khalh thiam na nge?” a ti thawt a. Ani chu a thiam lo zawk a ni si, a thinrim ve tho si chuan pâwr tawkin, “Khalh thiam lo ve,” a ti ve hmiah.
2. Naupang pakhat pawh a nuin hnute hnêk tur a nei si lo va, bawnghnute-in a len thlengin an châwm a. A lo len hnuah bawngpui a hmuh chuan a lung a chhe tlat zel.
3. Naupang pakhat pawh kha tlangval pakhat hian, “I hahmai chu hlai deuh deuh pathum vel a to a ni maw?” a tia. Naupang lah a lo duai lo nasa, “Ka zuah alawm,” a ti hmak.
4. Nu – Mama, lo haw rawh. Chaw kan ei dawn.
Naupang – Eng nge kan hmeh dawn?
Nu – Dal.
Naupang – Tren treeeen.
5. Zinkawngah a êk a chhuak tawh ropui si, driver dintir a hreh bawk si. Kawngsira mi kawngkal vel a hmuh te khan tukverhah dak chhuak meuhvin, "E ta che u, ngati nge in êk loh aaaa...?" a ti vak vak.
6. Tun hnai khan US-ah rûkru man chhuak thei khâwl thar danglam tak mai an siam chhuak a. Chu chu ram hrang hrangah an thawnchhuak chur chur a. A hnua khâwl thar chungchâng report an dawn dân:
UK – Minute 30 chhûngin rûkru 50 a man chhuak.
Spain – Minute 30 chhûngin rûkru 110 a man chhuak.
India – Minute 15 chhûngin a khâwl a bo!
7. Nupa tuakkhat tar tawh tak maite chuan an pianchamphaphâk lawm nan tiin kum 60 kal taa an inhmuh ni-a an awmdan ang chiaha awm leh an tum a. Park-a inhmu tur chuan putar chu a chhuak a, a hun takah a thleng a. A nghâk a nghâk a, pitar a rawn kal thei si lo. A tâwpah a thinrim chu inah a haw leh ringawt a, pâwna pitar lo thu a hmuh chuan,thinrim zetin, “Engati nge i lo kal leh si loh?” a han ti a. Pitar chuan, “Ka nu’n lênchhuah a phal lo va..” a ti sap.
8. Pa pakhat hian Fashion TV a en a, a en lai takin a fapa a rawn lût thut a. A hmet sawn hman tawh si lo, a inthiam chiah si lo chuan, “Mi rethei an nih khi, mi rethei. Silhfen inbel tur takngial pawh an nei zo lo,” a ti a, a fapa chuan, “Khi’ng ho aia retheite a chhuah hunah min hrilh rawh aw..” a ti khauh.
9. Pa: Bawiha, arsa sâwngbâwl dan i thiam tawh khawp mai. I puitling tawh tihna a ni a. I duh chuan nupui pawh i nei thei tawh ang.
Naupang: Pa, nupuite sâwngbâwl dâwn hian an hmul pawh hmasak kher a ngai em ni?
10. A thianpa nen ngawi rengin an thu dun a, a nui chhuak huk a.
“Eng nge i nuih huk a?”
“Ka rilruin hla ka sa sual a.”
No comments:
Post a Comment