1. Restaurant-ah eitur a order a, “Hlawh lâk hunah kan inpe mai dawn nia..” a ti a, restaurant nghaktu chuan, “Engtikah nge hlawh in lâk dawn?” a lo ti a. Chupa chuan, “Hei, interview turin ka kal dawn chiah a..” a lo ti hah.
2. Tlangval pahnih pawh khan inhre pawp hmasa miah lovin thil rûk an tum ve ve a. An rûk tumna in kha a lo inang a, an thil rûk tum a lo inang lehzel a, an pahnihin an chawikäng rual lawp mai a. An inhmu chiah mai chu, “E he..!” an ti rual thawt!
3. An kalna kawng tur kawng bul chiahah cowboy pakhat hi lungpui chungah a lo thu lur mai a. An kal ngam chiah si lo. A tawpah chuan, ‘Eng em min ti bik lovang chu maw..’ tiin hlau chung chungin an kal a. Cowboy awmna bul an thlen chuan cowboy chuan pistol mu awm lovin khawkherh a lo chhu koh koh hi a lo nia!
4. A hmai kha a bawl nasa mai mai asin. A muthilh hlânin an nautein a hmaiah motor lem a lo khalh a, motor a insawh chhe vek.
5. A ke kha a kual mai mai asin. A din lai aiin a thutin a sâng zawk.
6. A bialnu rim kha a che chhe mai asin. Zahzelah tawng pahin an stool kua kha a kutin a zen a, a kutzungtang kha a tâng ta mai! An la chhuak thei si lo, tihngaihna a hre bawk si lo, an mut reh vek hnuah a bialnute stool a hawpui tawp.
7. Pa pakhat pawh khan motor hlui a lei a, “Engati nge hetiang tlân thei tawh lo te i lei?” an ti ziah mai a. A ning lutuk chuan, “Ka hmeh dawn!” a ti hluk.
8. Kelâwngin sertawk a pet thlâwk thei.
9. Naupang pakhat pawh khan thutthlengseia a pa muhil hnar bawrh bawrh kha a lo la hre ngai si lo va, a nu bulah mangang em emin a tlân phei a, “Ânu, lo kal vat teh; thutthlengseiah âpa a so bawrh bawrh mai,” a ti chul mai.
10. Neihi pawh khan naupang a bâwl ve ringawt a. Naupang chuan, “I hâ nâwt la, mu rawh,” a lo ti hmak asin le!
2. Tlangval pahnih pawh khan inhre pawp hmasa miah lovin thil rûk an tum ve ve a. An rûk tumna in kha a lo inang a, an thil rûk tum a lo inang lehzel a, an pahnihin an chawikäng rual lawp mai a. An inhmu chiah mai chu, “E he..!” an ti rual thawt!
3. An kalna kawng tur kawng bul chiahah cowboy pakhat hi lungpui chungah a lo thu lur mai a. An kal ngam chiah si lo. A tawpah chuan, ‘Eng em min ti bik lovang chu maw..’ tiin hlau chung chungin an kal a. Cowboy awmna bul an thlen chuan cowboy chuan pistol mu awm lovin khawkherh a lo chhu koh koh hi a lo nia!
4. A hmai kha a bawl nasa mai mai asin. A muthilh hlânin an nautein a hmaiah motor lem a lo khalh a, motor a insawh chhe vek.
5. A ke kha a kual mai mai asin. A din lai aiin a thutin a sâng zawk.
6. A bialnu rim kha a che chhe mai asin. Zahzelah tawng pahin an stool kua kha a kutin a zen a, a kutzungtang kha a tâng ta mai! An la chhuak thei si lo, tihngaihna a hre bawk si lo, an mut reh vek hnuah a bialnute stool a hawpui tawp.
7. Pa pakhat pawh khan motor hlui a lei a, “Engati nge hetiang tlân thei tawh lo te i lei?” an ti ziah mai a. A ning lutuk chuan, “Ka hmeh dawn!” a ti hluk.
8. Kelâwngin sertawk a pet thlâwk thei.
9. Naupang pakhat pawh khan thutthlengseia a pa muhil hnar bawrh bawrh kha a lo la hre ngai si lo va, a nu bulah mangang em emin a tlân phei a, “Ânu, lo kal vat teh; thutthlengseiah âpa a so bawrh bawrh mai,” a ti chul mai.
10. Neihi pawh khan naupang a bâwl ve ringawt a. Naupang chuan, “I hâ nâwt la, mu rawh,” a lo ti hmak asin le!
No comments:
Post a Comment